རྒྱ་གར་གྱི་སྤྱི་ཡོངས་འོས་བསྡུ་འགོ་འཛུགས།

གཟའ་ཕུར་བུའི་ཉིན་ནས་རྒྱ་གར་རྒྱལ་ཡོངས་སུ་གྲོས་ཚོགས་འཐུས་མི་རྣམས་འོས་འདེམས་བྱེད་པའི་སྤྱི་ཡོངས་འོས་བསྡུ་ཆེན་མོ་འགོ་ཚུགས་ཡོད་ཅིང་། རྒྱ་གར་ལ་མི་འབོར་དུང་ཕྱུར་༡༣་དང་བྱེ་བ་༧་ལྷག་ཡོད་པ་ནི་འཛམ་གླིང་གི་དམངས་གཙོའི་རྒྱལ་ཁབ་ཅིག་གི་མི་འབོར་ཆེས་མང་ཤོས་དེ་ཡིན་པ་དང་། དེའི་ནང་ནས་མི་གྲངས་དུང་ཕྱུར་༩་ཡས་མས་ཤིག་གིས་ལོ་འདིའི་སྤྱི་ཡོངས་འོས་འདེམས་ལ་འོས་ཤོག་འཕེན་ཆོག དེ་ལྟ་བུའི་མི་འབོར་མང་བའི་རྒྱལ་ཁབ་དེར་འོས་བསྡུ་ཉི་མ་གཅིག་ལ་བྱེད་ཚར་གྱི་མེད་པ་སྟེ།