འགྲོ་བ་མིའི་ཐོབ་ཐང་ལྟ་རྟོག་ཚོགས་པས་རྒྱ་ནག་ལ་འབོད་སྐུལ།

རྒྱ་ནག་ཧྲིན་ཀྲིན་གྲོང་ཁྱེར་དུ་ཡོད་པའི་ཅ་ཧྲི་ཚན་རྩལ་ཞེས་པའི་བཟོ་ཚོང་ཁང་གི་ལས་བཟོ་བའི་ཐོབ་ཐང་རྩོད་ལེན་བྱེད་མཁན་གྱི་ལས་བཟོ་བ་དང་། ལས་བཟོ་བར་རྒྱབ་སྐྱོབ་བྱེད་མཁན་སློབ་ཕྲུག་བཅས་མི་སུམ་བཅུ་ལྷག་རྒྱ་གཞུང་གིས་འཛིན་བཟུང་བྱས་ཡོད་ཅིང་། དེ་རིང་སྤྱི་ཚེས་༤་ཉིན་ཨ་རིའི་གྲོང་ཁྱེར་ནེའུ་ཡོཀ་ཏུ་ཡོད་པའི་འགྲོ་བ་མིའི་ཐོབ་ཐང་ལྟ་རྟོག་ཚོགས་པས་རྒྱ་གཞུང་གིས་འཛིན་བཟུང་བྱས་ཡོད་པའི་ལས་བཟོ་བ་དང་སློབ་ཕྲུག་ཚོ་མྱུར་དུ་གློད་གྲོལ་གཏོང་དགོས་ཅེས་རྒྱ་ནག་གཞུང་ལ་འབོད་སྐུལ་ཞུས་འདུག