ཨ་རིའི་ཁོར་ཡུག་སྲུང་སྐྱོབ་འགན་འཛིན་གྱིས་གནང་བ་ཞུས།

༄༅།། སི་ཀོ་ཊི་ཕུ་རུ་ཊིས་ཟླ་ཤས་རིང་དུ་ཨ་མི་རི་ཀའི་ཁོར་ཡུག་སྲུང་སྐྱོབ་ལྷན་ཁང་གི་འགན་འཛིན་གྱི་ལས་ཁུར་བཞེས་པའི་རིང་དེར་མིའི་ཀུན་སྤྱོད་ལ་མི་མཐུན་པའི་བྱ་སྤྱོད་རིམ་པ་ཞིག་སྤེལ། དཔེར་ན་ཁོ་པས་ཨ་རིའི་ཁོར་ཡུག་སྲུང་སྐྱོབ་ལྷན་ཁང་ནང་དུ་ཨ་སྒོར་ཁྲི་ཚོ་༤་ལྷག་འགྲོ་གྲོན་བཏང་ནས་ཁ་པར་གཏོང་ས་ཁང་མིག་ཅིག་གསར་པ་བརྒྱབ་པ། ཁོ་པས་གཞུང་དོན་ལ་ཁ་གཡར་ནས་ཕྱི་རྒྱལ་ལ་འགྲུལ་སྐྱོད་བྱས་པ། ཁོ་པའི་ཆུང་མར་ཡན་ལག་མང་པོ་ཡོད་པའི་ཟ་ཁང་ཞིག་གི་ཚོང་ལས་ཀྱི་གོ་སྐབས་ཐོབ་ཐབས་བྱས་པ།