སློབ་ཕྲུག་གི་བོད་དོན་རྒྱབ་སྐྱོར་ཚོགས་པའི་འགན་འཛིན་དགོངས།

གཟའ་འཁོར་འདིའི་གཞོན་སྐྱེས་དང་ཤེས་ཡོན་གྱི་ལས་རིམ་ནང་བོད་རང་ བཙན་ཆེད་སློབ་ཕྲུག་གི་བོད་དོན་རྒྱབ་སྐྱོར་ཚོགས་པའི་འགན་འཛིན་བསྟན་ འཛིན་རྡོ་རྗེ་ལགས་ད་བར་ལོ་དགུའི་རིང་ཚོགས་པ་དེའི་སྣེ་ཁྲིད་གནང་སྟེ་ བཞུགས་པའི་རྗེས་ད་ཆ་དགོངས་ཞུ་གནང་རྒྱུའིགསལ་བསྒྲགས་ཟིན་པ་ལྟར་ཁོང་དང་ ལས་བྱེད་ཟླ་སྒྲོན་ལགས་གཉིས་ལ་འཛམ་གླིང་གི་ཡུལ་གྲུ་གང་སར་ཁྱབ་ པའི་སློབ་ཕྲུག་གི་ཚོགས་པ་དེའི་ལས་དོན་བྱེད་ཕྱོགས་དང་དེ་བཞིན་འགན་འཛིན་ རང་ཉིད་ལས་གནས་ནས་དགོངས་ཞུ་གནང་བའི་རྒྱུ་མཚན་དང་སོ་སོའི་ཉམས་མྱོང་ཐོག་ནས་ལམ་སྟོན་བཅས་ཀྱི་ཐད་གླེང་བ་ཞིག་གསན་གྱི་རེད།