ཆི་ག་ཁོ་བོད་རིགས་རྐང་རྩེད་པོ་ལོའི་རུ་ཁག་ལ་སླར་ཡང་རྒྱལ་ཁ་ཐོབ་པ།

ཉེ་ཆར་ཨ་རིའི་མི་ནི་སོ་ཌའི་བོད་རིགས་སྤྱི་མཐུན་ཚོགས་པའི་གོ་སྒྲིག་འོག་ཨ་རིའི་དཀྱིལ་ནུབ་མངའ་ཁུལ་ནང་གནས་འཁོད་བོད་མི་ཚོ་འདུ་འཛོམས་བྱས་ཏེ་སྐུའི་འཁྲུངས་སྐར་སྲུང་བརྩི་ཞུས་པའི་སྐབས་སུ་རྐང་རྩེད་པོ་ལོའི་འགྲན་བསྡུར་ནང་སླར་ཡང་ཆི་ག་ཁོ་གྲོང་ཁྱེར་གྱི་ནང་གནས་འཕོད་བོད་མིའི་རུ་ཁག་ལ་རྒྱལ་ཁ་ཐོབ་ཡོད་པས། གཟའ་འཁོར་འདིའི་གཞོན་སྐྱེས་དང་ཤེས་ཡོན་ལས་རིམ་ནང་འདུ་འཛོམས་དེ་གོ་སྒྲིག་བྱེད་མཁན་ཚོགས་ཆུང་གི་ཚོགས་གཙོ་དང་ཆི་ག་ཁོ་ས་གནས་བོད་རིགས་ཚོགས་པའི་རྐང་རྩེད་པོ་ལོའི་རུ་ཁག་གི་རུ་དཔོན་བཅས་ཀྱིས་འདུ་འཛོམས་དེའི་བྱེད་སྒོ་ཁག་གི་སྐོར་གཏམ་བཤད་གནང་བྱུང་།