༄༅།། ཨ་རིའི་ལོ་རྒྱུས་སུ་སྲིད་འཛིན་གསར་པས་ཆབ་སྲིད་འཛིན་སྐྱོང་གི་ཐུགས་འགན་བཞེས་ནས་ཉིན་བརྒྱ་ཕྱིན་པའི་གཞུག་དེར་ཕྱག་ལས་གནང་ཕྱོགས་ལ་མི་མང་གིས་གདེང་འཇོག་བྱེད་པའི་ལུགས་སྲོལ་ཞིག་དར་ཡོད་ཅིང་། ཉེ་ཆར་ཨ་རིའི་ནང་དུ་རྒྱལ་ཡོངས་མི་དམངས་འདོད་བློ་ཚིམས་མིན་གྱི་ཚོད་རྩིས་ཐེངས་གཉིས་བྱས་ཡོད་པ་ལྟར་ན། སྲིད་འཛིན་ཇཱོ་བྷ་ཌན་གྱིས་ཆབ་སྲིད་འགན་དབང་བཞེས་ནས་ཉིན་བརྒྱ་ཕྱིན་པའི་དུས་ཡུན་ལ་ཨ་རི་བ་མང་ཆེ་ཤོས་ཤིག་གིས་ཁོང་གིས་ཕྱག་ལས་གནང་ཕྱོགས་ལ་རྒྱབ་སྐྱོར་དང་ངོས་ལེན་ཐོབ། ཁྱད་པར་དུ་ཁོང་གིས་ཏོག་དབྱིབས་ནད་དུག་འགོག་སྲུང་གི་ལས་དོན་སྒྲུབ་ཕྱོགས་ལ་གདེང་འཇོག་མཐོན་པོ་ཐོབ་ཡོད་པར་མ་ཟད། མི་མང་པོ་ཞིག་གིས་སྲིད་འཛིན་བྷ་ཌན་གྱིས་ཨ་རིའི་ས་མཚམས་ནས་གནས་སྤོར་ཡུལ་མི་ཚོར་བཀག་སྡོམ་གནང་བའི་སྲིད་ཇུས་ལ་སྐྱོན་བརྗོད་བྱེད་བཞིན་པའི་སྐོར། ཚེ་རིང་དབང་མོས་ཕབ་སྒྱུར་དང་སྙན་སྒྲོན་ཞུ་ཡི་རེད།
