ཨ་རིའི་མི་དམངས་ཀྱིས་ཐག་གཅོད་བྱེད་པའི་ཉིན་མོ།

སྲིད་འཛིན་ཊམ་གྱིས་རང་ལ་རྒྱལ་ཁ་ཐོབ་སོང་ཞེས་བསྒྲགས།

༄༅།། སྲིད་འཛིན་ཌོན་ནལ་ཊམ་གྱིས་ཨ་རིའི་མི་མང་ས་ཡ་མང་པོས་ང་ལ་རྒྱབ་སྐྱོར་བྱས་པར་བཀའ་དྲིན་ཆེ་ཞུ་རྒྱུ་ཡིན། མི་ཉུང་ཤས་ཤིག་གིས་ང་ཚོའི་ཐོབ་ཐང་འཕྲོག་གི་ཡོད་པ་རེད། དོ་དགོང་ང་ཚོར་རྒྱལ་ཁ་འཐོབ་ཀྱི་ཡོད་ཀྱང་དེའི་གྲུབ་འབྲས་རྩིས་མེད་བཏང་སོང་། ཨ་རི་ཛོ་ནའི་འོས་ཤོག་གྲངས་ཀ་བརྒྱབ་མ་ཚར་གོང་དུ་བྷ་ཌན་ལ་ཐོབ་པ་རེད་ཅེས་གསར་འགྱུར་ལས་ཁང་ཞིག་གིས་བསྒྲགས་སོང་། ང་ཚོར་ཨ་རི་ཛོ་ན་མ་ཐོབ་ཀྱང་ཆོག་ཅིང་། ང་ཚོར་འཇོར་ཇཱི་ཡ་ཐོབ་ཡོད་པ་དང་བྱང་ཁེ་རོ་ལེ་ན་འཐོབ་ཀྱི་ཡོད་པ་རེད། ང་ཚོར་ཕན་སིལ་ཝྭེ་ཎི་ཡ་ཡང་འཐོབ་འདུག་ཅེས་བཤད། ཡིན་ནའང་སྲིད་འཛིན་ཌོ་ནལ་ཊམ་གྱིས་ཐོབ་སོང་ཟེར་པ་དང་འཐོབ་ཀྱི་ཡོད་ཅེས་བསྒྲགས་པའི་མངའ་སྡེ་ཁག་གི་འོས་ཤོག་རྣམས་གྲངས་ཀ་བརྒྱབ་ཚར་མེད་པ་རེད། མཐར་སྲིད་འཛིན་ཌོ་ནལ་ཊམ་གྱིས་ང་ཚོར་རྒྱལ་ཁ་ཐོབ་ཚར་པ་རེད། ངས་ཆེས་ཆེས་མཐོའི་ཁྲིམས་ཁང་ལ་གཏུགས་ནས་འོས་ཤོག་གྲངས་ཀ་རྒྱག་རྒྱུ་མཚམས་འཇོག་བྱེད་དུ་འཇུག་རྒྱུ་ཡིན་ཞེས་གཏམ་བཤད་བྱས་སོང་།།