ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཊམ་གྱིས་ཨ་རིའི་སྲིད་འཛིན་གྱི་ལས་འཁུར་དམ་འབུལ་ཐེངས་གཉིས་པ་གནང་བ་དང་། མར་ཀོ་རུ་བྷི་ཨོ་ཕྱི་སྲིད་དྲུང་ཆེར་བསྐོ་གཞག་བྱུང་བ། ཨི་སི་རལ་དང་པ་ལི་སི་ཐན་གྱིས་མི་གཏའ་གློད་རེས། ཐེ་ཝན་སྲིད་འཛིན་གྱིས་དམག་དཔུང་ལ་འཚམས་གཟིགས། ལྷོ་ཀོ་རི་ཡའི་སྲིད་འཛིན་གྱི་དག་འབུལ་སོགས་ཡོད། ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་འདི་ག་བོད་སྐད་སྡེ་ཚན་གྱི་འགན་འཛིན་བཀྲས་མཐོང་བསྟན་འཛིན་རྣམ་རྒྱལ་ལགས་དང་། རྩོམ་སྒྲིག་པ་རྡོ་རྗེ་ཚེ་བརྟན་ལགས་སུ་ཨ་རིའི་སྲིད་འཛིན་ཐེངས་༤༧ པའི་དམ་འབུལ་མཛད་སྒོ་སྤྱི་དང་། ཡང་སྒོས་ཌོ་ནལ་ཊམ་མཆོག་གི་མ་འོངས་སྲིད་ཇུས་འཛིན་ཕྱོགས་སོགས་ཀྱི་སྐོར་ནས་བགྲོ་གླེང་ཞུ་རྒྱུ་ཡིན།