༄༅།། འདས་པའི་ལོ་དགུའི་རིང་ཀྱེ་ན་ཌའི་སྲིད་བློན་གནང་མཁན་སྐུ་ཞབས་ ཊྲུ་ཌོ་མཆོག་གིས་ཁ་ས་གཟའ་ཟླ་བའི་ཉིན་ཁོང་ཡུལ་དེའི་སྲིད་བློན་གྱི་མཚན་གནས་ནས་དགོང་ཞུ་གནང་གི་ཡོད་པའི་གསལ་བསྒྲཌ་གནང་འདུག ཡིན་ན་ཡང་། ཁོང་གི་ཚོཌ་པས་ཁོང་གི་ཚབ་ཏུ་མི་གཞན་ཞིག་སྲིད་བློན་དུ་འདེམས་བསྐོ་མ་གནང་བར་དུ་ཁོང་གིས་སྲིད་བློན་གྱི་ཐུགས་ཁུར་མུ་མཐུད་བཞེས་རྒྱུའི་ཞལ་བཞེས་གནང་འདུག
ཁོང་གི་དབུ་འཁྲིད་ཀྱི་འོག་ཡུལ་དེའི་སྤྱི་ཡོངས་འོས་བསྡུ་ཆེན་མོ་རྗེས་མ་དེའི་སར་ཁོང་གི་གུ་ཡང་མང་གཙོ་ཚོཌ་པར་ཕམ་ཉེས་ཤུགས་ཆེ་ཡོང་རྒྱུའི་ཆོད་བཟོ་འདོན་གྱི་ཡོད་པས་ཚོགས་པའི་ཚོགས་མི་མང་པོ་ཞིག་གིས་ཁོང་སྲིད་བློན་གྱི་མཚན་གནས་ནས་དགོང་ཞུ་གནང་དགོས་པའི་གནོན་ཤུགས་ཆེ་གནང་ཡོད་འདུག
སྐུ་ཞབས་ཊྲུ་ཌོ་མཆོག་གིས་ཁ་ས་གསར་འགོད་པའི་ལྷན་འཛོམས་ཤིག་གི་སར་ཡུལ་དེའི་རྒྱལ་ཡོངས་གྲོས་ཚོགས་ཆེན་མོ་དེ་བཞིན་རིང་མིན་ཕྱི་ཟླ་༣པའི་ཚེས་༢༤བར་ཕྱིར་བསྡུ་ཡིན་པའི་གསལ་བསྒྲཌ་གནང་ཡོད་པ་དང་། ཁོང་གི་གསལ་བསྒྲཌ་དེ་གནང་བ་དེས་ཡུལ་དེའི་ནང་ཕྱི་ཟླ་༥པའི་གོང་སྤྱི་ཡོངས་འོས་བསྡུ་ཆེན་མོ་བྱེད་ཐུབ་ཀྱི་མེད་པའི་ཁར་ ཨ་མི་རི་ཀའི་སྲིད་འཛིན་དུ་འདེམས་ཐོན་བྱུང་བ་ཌོ་ནཱལ་ཊྲམ་གྱིས་རིང་མིན་འདི་ཟླའི་ཚེས་༢༠འི་ཉིན་ཨ་རིའི་སྲིད་འཛིན་གྱི་མཚན་གནས་དམ་བཅའ་འབུལ་བཞེས་གནང་བའི་སྐབས་ཁོང་ཀྱེ་ན་ཌའི་སྲིད་བློན་དུ་མུ་མཐུད་གནས་ཀྱི་ཡོད་པ་དང་། ཁོང་གི་གསར་འགོད་པ་ཚོར་བཀའ་མོལ་གནང་བའི་སྐབས་ ང་ཚོའི་མི་མང་ཚོར་སྤྱི་ཡོངས་འོས་བསྡུ་ཆེན་མོ་རྗེས་མ་དེའི་སྐབས་སྲིད་བློན་གྱི་འོས་མི་ཡག་པོ་ཞིག་དགོས་ཀྱི་ཡོད་པ་རེད། ངས་སྲིད་བློན་མུ་མཐུད་བྱ་རྒྱུར་ཚོགས་པའི་ནང་བསམ་ཚུལ་མི་མཐུན་པ་ཡོང་གི་ཡོད་པའི་རྐྱེན་གྱིས་ངོས་རང་སླར་ཡང་སྲིད་བློན་གྱི་འོས་ལ་ལངས་རྒྱུ་དེ་འོས་པོ་ཞིག་མེད་པའི་རྐྱེན་གྱིས་ཚོགས་པས་མི་གཞན་པ་ཞིག་འདེམས་བསྐོ་ཞུ་དགོས་ཀྱི་འདུག་ཅེས་གསུངས་འདུག
དགུང་ལོ་༥༣ཡིན་པ་སྐུ་ཞབས་ཊྲུ་ཌོ་ཡིས་ཕྱི་ལོ་༢༠༡༥འི་ལོར་ཀྱེ་ན་ཌའི་སྲིད་བློན་ཆགས་ཡོད་པ་དང་། ཕྱི་ལོ་༢༠༡༩འི་ལོར་ཡུལ་དེའི་སྤྱི་ཡོངས་འོས་བསྡུ་རྗེས་མ་དེའི་ནང་ཁོང་སླར་ཡང་ཡུལ་དེའི་སྲིད་བློན་དུ་མང་མོས་འདེམས་ཐོན་བྱུང་སྟེ་རང་ཉིད་ཀྱི་ཕ་དམ་པ་ནང་བཞིན་ཡུལ་དེའི་སྲིད་བློན་ཡུན་རིང་ཤོས་གནང་མཁན་གྱི་གྲལ་ཆགས་ཡོད་པ་རེད།
ད་ནས་ལོ་གཉིས་ཀྱི་གོང་ཡུལ་དེའི་ནང་དངོས་ཟོག་གི་རིན་གོང་མཐོ་རུ་ཕྱིན་པ་དང་། གཏན་སྡོད་གཞིས་ཆགས་ལ་ཡོང་མཁན་ཕྱི་མི་མང་དྲག་པ་སོཌ་ཀྱི་རྐྱེན་གྱིས་སྡོད་ཁང་མི་མདེངས་པའི་དཀའ་ངལ་འགོ་ཚུགས་ཏེ་ཁོང་གིས་དཀའ་ངལ་དེ་དག་ད་ལྟ་བར་དུ་སེལ་གནང་ཐུབ་མེད་པ་རེད།
ཡུལ་དེའི་སྤྱི་ཡོངས་འོས་བསྡུ་རྗེས་མ་དེ་རིང་མིན་འདི་ལོའི་ཕྱི་ཟླ་བཅུ་པའི་ཟླ་འཇུག་འགྱངས་མེད་བྱེད་དགོས་ཀྱི་ཡོད་པ་དང་། བསམ་ཚུལ་གྱི་འོས་བསྡུ་ལྟར་བྱས་པ་ཡིན་ན། གཞུང་འཛིན་གུ་ཡང་ཚོགས་པའི་འགོ་འཁྲིད་སུ་ཆགས་ཀྱི་ཡོད་རུང་འོས་བསྡུའི་ནང་ཕྱོགས་འགལ་རྙིང་ཞེན་ཚོགས་པར་རྒྱལ་ཁ་ཐོབ་ཀྱི་ཡོད་པའི་རྟགས་མཚན་ཐོན་ཡོད་པ་རེད།།
རིང་མིན་ཟླ་བ་འདིའི་ཚེས་༢༧གྱི་ཉིན་ཡུལ་དེའི་རྒྱལ་ཡོངས་གྲོས་ཚོགས་ཀྱི་ལྷན་འཛོམས་གནང་རྒྱུ་གནང་སྟེ་ཕྱོགས་འགལ་ཚོགས་པ་གསུམ་ཀས་གུ་ཡང་ཚོགས་པའི་སྲིད་གཞུང་ལ་ཡིད་ཆེས་མེད་པའི་འོས་བླུགས་རྒྱུའི་ཐག་གཅོད་བྱུང་ཡོད་ཀྱང་། སྲིད་བློན་ཊྲུ་ཌོ་མཆོག་གིས་ཀྱེ་ན་ཌའི་གྲོས་ཚོགས་དེ་ཕྱི་ཟླ་༣པའི་ཚེས་༢༤བར་ཕྱིར་འགྱངས་གནང་ཡོད་པས་ཕྱོགས་འགལ་ཚོགས་པས་གྲོས་ཚོཌ་ཀྱི་ནང་གུ་ཡང་ཚོགས་པའི་སྲིད་གཞུང་ལ་ཡིད་ཆེས་མེད་པའི་གྲོས་གཞི་དེ་ཕྱི་ཟླ་༥བར་འདོན་ཐུབ་ཀྱི་མེད་པ་རེད།།
སྲིད་བློན་མཆོག་ལ་འཕྲད་པའི་དཀའ་ངལ་དེ་ནི་ཁོང་གིས་རྒྱལ་ཁབ་ནང་འགྲོ་གྲོན་མང་ཙམ་བཏང་དགོས་པའི་གྲོས་འཆར་དེར་ཁོང་གི་དངུལ་རྩིས་བློན་ཆེན་ལྕམ་ལྕམ་ཕྲི་ལེནྜ་གྱིས་མོས་མཐུན་གནང་མེད་པའི་དབང་གིས་སྲིད་བློན་མཆོག་གིས་ལྕམ་ཕྲི་ལེནྜ་གྱི་མཚན་གནས་དམའ་རུ་བཏང་སྟེ་སྲིད་གཞུང་དང་ཚོཌ་པའི་ནང་འཁྲུཌ་བྱུང་རྗེས་ཁོང་བློན་ཆེན་གྱི་མཚན་ནས་དགོངས་ཞུ་གནང་ཡོད་པ་རེད།
གླེང་སྟེགས།