༄༅།། འཛམ་གླིང་གི་དབུ་ཁྲིད་ཚོ་ལོ་གཉིས་ཀྱི་རྗེས་སུ་རྒྱལ་ཚོགས་ཀྱི་ཚོགས་ཁང་དུ་རྒྱས་འཛོམ་ཚོགས་ཆེན་ལ་འདུ་ཐུབ་ཡོད་ཅིང་། དེ་རིང་གཟའ་མིག་དམར་ཉིན་ནིའུ་ཡོག་གྲོང་ཁྱེར་དུ་མཉམ་འབྲེལ་རྒྱལ་ཚོགས་ཀྱི་ལོ་རེའི་རྒྱས་འཛོམ་ཚོགས་ཆེན་འགོ་ཚུགས་ཡོད་པ་རེད། ད་ལོའི་ཚོགས་ཆེན་ཐོག་ཏུ་ཏོག་དབྱིབས་ནད་དུག་གི་དཀའ་ངལ་དང་འཛམ་གླིང་གི་སའི་གོ་ལའི་ཚ་དྲོད་ཆེ་རུ་འགྲོ་བཞིན་པ་འགོག་ཐབས་སོགས་ལ་གྲོས་སྡུར་གཙོ་བོ་གནང་འཆར་ཡོད་པའི་སྐོར། རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་ཐོན་པའི་གནས་ཚུལ་ཁག་ཕུན་ཚོགས་ཚེ་རིང་གིས་ཕྱོགས་བསྒྲིགས་ཀྱིས་སྙན་སྒྲོན་ཞུ་གནང་གི་རེད།།
