ཉི་ཧོང་ལ་ས་འགུལ་རྒྱུགས་པ་དང་རྒྱ་མཚོ་བསྐྱོམས་ནས་རྦ་རླབས་འཕྱིན་ཏེ་གཟའ་འཁོར་གཅིག་ལྷག་སོང་བའི་རྗེས་སུ་ས་རྡོའི་འོག་ནས་་བུ་ཆུང་ཞིག་དང་། ཁོ་པའི་རྨོ་བོ་གཉིས་ཁང་པའི་ས་ཧྲུག་རྡོ་ཧྲུག་འོག་ཏུ་གསོན་པོར་སྐྱོབ་ལེན་བྱེད་ཐུབ་ཡོད་ཅིང་། ད་ལྟ་བུ་ཆུང་དེ་དང་རྒན་མོ་དེ་གཉིས་ལ་སྨན་ཁང་ནང་དུ་བརྟག་དཔྱད་བྱས་ནས་སྨན་བཅོས་བྱེད་ཀྱི་ཡོད་ཀྱང་། ད་ཕན་ཉི་ཧོང་གི་ས་ཡོམ་གོད་ཆག་ཁྲོད་དུ་མི་ལ་སྲོག་སྐྱོན་བྱུང་བའི་གྲངས་འབོར་དང་གར་སོང་ཆ་མེད་དུ་གྱུར་པའི་མི་མང་གི་གྲངས་འབོར་དེ་ཁྲི་གཉིས་ཙམ་ཟིན་ཡོད་པ་རེད།།
