ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་དྷརྨ་ཀཱ་རའི་གཙུག་ལག་སློབ་གཉེར་ཁང་དབུ་འབྱེད་གནང་བ་དང་། ཨུ་རུ་སུ་དང་ཡུག་ཀེ་རན་གྱི་དམག་འཁྲུག ཨ་རི་དང་ཞི་བདེ་རྒྱ་མཚོའི་མཚོ་གླིང་རྒྱལ་ཕྲན་ཁག ལྷོ་ཀོ་རི་ཡའི་དམག་སྦྱོང་། རྒྱ་གར་གྱི་རྩེད་འགྲན་པ་ཁ་ཤས་རྒྱ་ནག་ནང་འཚོག་བཞིན་པའི་འགྲན་ཚོགས་ལ་ཞུགས་མ་ཐུབ་པ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ད་ལྟ་ཨ་རིའི་ནང་ཕྱོགས་ཕེབས་གནང་བཞིན་པའི་བྱེས་ཀྱི་བླ་བྲང་བཀྲ་ཤིས་འཁྱིལ་དགོན་པའི་ཕྱག་མཛོད་བློ་གྲོས་རྒྱ་མཚོ་ལགས་དང་། འབྲེལ་མཐུད་པ་བློ་བཟང་འཇམ་དབྱངས་ལགས་གཉིས་གདན་འདྲེན་ཞུས་ཏེ་ཁོང་རྣམ་པའི་ཉམས་མྱོང་དང་། ཡང་བཀྲ་ཤིས་འཁྱིལ་དགོན་པའི་རང་གསོའི་གནས་བབ་སོགས་ལ་བགྲོ་གླེང་ཞུ་རྒྱུ་ཡིན། དེ་བཞིན་དུ་ཚེ་རིང་སྐྱིད་ལགས་ཀྱིས་ལ་དྭགས་འཇམ་དབྱངས་སློབ་གྲྭའི་ངེས་སྟོན་པ་དགེ་བཤེས་ལྷ་རམས་པ་བློ་བཟང་བསམ་གཏན་ལགས་དང་མཉམ་དུ་འཇམ་དབྱངས་སློབ་གྲྭའི་གནས་སྟངས་དང་། ཡང་ཧི་མ་ལའི་རི་རྒྱུད་དུ་བོད་ཀྱི་ཆོས་རིག་འཛིན་སྐྱོང་ལ་གདོང་ལེན་བྱེད་དགོས་པ་གང་ཡོད་སྐོར་ལ་བགྲོ་གླེང་ཞུ་རྒྱུ་ཡིན།