ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བོད་མི་མང་སྤྱི་འཐུས་ཀྱི་གྲོས་ཚོགས་ཚོགས་དུས་གནས་སྐབས་རིང་མཚམས་འཇོག་དགོས་པ་བྱུང་བ་དང་། ༧གོང་ས་མཆོག་གིས་འབྲས་ལྗོངས་ཀྱི་དཔོན་རིགས་ལ་མཇལ་འཕྲད། ཡུག་ཀེ་རན་གྱི་སྲིད་འཛིན་གྱིས་ཨ་རིའི་རྒྱལ་སར་འཚམས་གཟིགས། རྒྱལ་ཚོགས་ཀྱི་རྒྱས་འཛོམས་ཚོགས་ཆེན། རྒྱ་གར་དང་ཁེ་ན་ཌའི་འབྲེལ་ལམ་སོགས་ཡོད། དེ་རིང་གི་དྲ་སྣང་གི་བོད་དུ་རྒྱ་ནག་གཞུང་གིས་བོད་ཀྱི་གྲྭ་བཙུན་ལོ་ཆུང་ཚོ་འཛིན་བཟུང་གིས་གཞུང་བཙུགས་སློབ་གྲྭར་བཙན་ཁྲིད་བྱེད་བཞིན་པའི་བདེན་དཔང་དང་། ༧རྒྱལ་བའི་སྐུ་བརྙན་དང་འབྲེལ་བའི་དྲ་ལམ་བགྲོ་གླེང་སོགས་ཡོད། ཐེངས་འདིའི་ཆབ་སྲིད་བཙོན་པ་ངོ་སྤྲོད་ཀྱི་ལེ་ཚན་ནང་སྤྱི་ལོ་ ༡༩༨༧ ཟླ་ ༡༠ ཚེས་ ༡ ཉིན་སེ་ར་དགོན་པའི་དགེ་འདུན་པ་ ༤༤ དང་ལྷན་དུ་ཞི་བའི་རྔམ་སྟོན་ཁྲོམ་སྐོར་ཀྱི་ལས་འགུལ་ནང་ཞུགས་པའི་སེ་ར་དགོན་པའི་གྲྭ་བློ་བཟང་སྦྱིན་པ་ལགས་ངོ་སྤྲོད་བྱས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་གཞི་རིམ་མི་དམངས་རེ་འབོད་ཚོགས་པའི་ཚོགས་གཙོ་བསྟན་འཛིན་གཡང་དཀར་དང་དབུས་རྒྱུན་ལས་ཚེ་བརྟན་ཕུན་ཚོགས་རྣམ་གཉིས་གདན་འདྲེན་ཞུས་ནས་བཅའ་ཁྲིམས་བསྐྱར་བཅོས་ཀྱི་འབོད་སྐུལ་ལས་འགུལ་སྤེལ་བཞིན་པའི་ཐད་བགྲོ་གླེང་ཞུ་རྒྱུ་ཡིན།།