༄༅།། དེང་སྐབས་རྒྱ་གཞུང་གིས་དབྱེ་བགོ་བྱེད་ཡོད་པའི་སི་ཁྲོན་ཞིང་ཆེན། རྔ་བ་བོད་རིགས་རང་སྐྱོང་ཁུལ་གྱི་འབར་ཁམས་ས་གནས་སུ་ཆུ་ལོག་བརྒྱུགས་ཏེ་གཞུང་ལམ་དང་ཟམ་པ་སོགས་ལ་གནོད་སྐྱོན་ཕོག་པའི་གནས་ཚུལ་ཐོན་འདུག དེ་ཡང་མིང་འདོན་བྱེད་འདོད་མེད་པའི་མི་སྣ་ཞིག་གིས་འདི་ག་རླུང་འཕྲིན་ཁང་ལ་གནས་ཚུལ་མཁོ་སྤྲོད་བྱུང་བ་ལྟར་ན། ཕྱི་ཟླ་༦་པའི་ཚེས་༡༣་ཉིན་གྱི་དགོང་མོར་རྔ་བ་ཁུལ་གྱི་འབར་ཁམས་ས་གནས་སུ་ཆར་ཞོད་ཆེན་པོ་བྱུང་སྟེ་ཆུ་ལོག་བརྒྱུགས་པས་རྒྱ་ལམ་དང་ཟམ་པ་ཁག་ལ་གས་སྲུབས་བྱུང་བ་ཡོད་པ་