ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༸གོང་ས་མཆོག་གི་རྨད་བྱུང་ཐུགས་བསྐྱེད་དམ་བཅའ་ཞེས་པའི་ཕྱག་དེབ་པོད་བཞིའི་བདག་ཉིད་ཅན་ཞིག་དབུ་འབྱེད་གནང་བ་དང་། ཊམ་གྱིས་སྲིད་ཇུས་མང་པོར་ལམ་སང་འགྱུར་བ་གཏོང་རྒྱུ། ཤྲི་ལངྒའི་འོས་བསྡུའི་གྲུབ་འབྲས་ནང་ལས་ཐོག་སྲིད་འཛིན་ལ་རྒྱལ་ཁ་ཐོབ་པའི་གནས་ཚུལ་ཐོན་པ་སོགས་ཡོད། ཀུན་གླེང་ལས་རིམ་དུ་ཕུན་ཚོགས་ལྷུན་གྲུབ་ལགས་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་སྡེ་ཚན་གྱི་འགན་འཛིན་བུ་ཆུང་ཚེ་རིང་ལགས་དང་ལྷན་ཨ་རིའི་བདམས་ཐོན་སྲིད་འཛིན་ཌོ་ནལ་ཊམ་གྱི་གཞུང་གསར་པའི་བློན་ཆེན་ཁོངས་སུ། རྒྱ་ནག་ཐོག་སྲིད་ཇུས་མཁྲེགས་པོ་འཛིན་མཁན་ཁག་ཅིག་བསྐོ་གཞག་བྱས་ཡོད་པ་དེས་བོད་དོན་ལ་དགེ་མཚན་ག་རེ་འབྱུང་རྒྱུ་ཡིན་པའི་ཐད་བགྲོ་གླེང་ཞུ་རྒྱུ་ཡིན།