ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱ་གར་གྱི་རྒྱལ་སར་པཎ་ཆེན་རིན་པོ་ཆེ་གློད་གྲོལ་གཏོང་དགོས་པའི་ལས་འགུལ་སྤེལ་བ་དང་། རྒྱ་གར་གྱི་རྩེད་འགྲན་པ་ཁག་ཅིག་གིས་གོང་ས་མཆོག་ལ་མཇལ་བཅར་ཞུས་པ། ཡུག་ཀེ་རན་གྱི་སྲིད་འཛིན་གྱིས་ཡུ་རོབ་ཏུ་རྒྱབ་སྐྱོར་བཙལ་བ། རྒྱ་དཀར་ནག་གཉིས་ཀྱི་དམག་དཔུང་བཀོད་གཤོམ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་བསྟན་ཆོས་རྒྱ་མཚོ་ལགས་གདན་འདྲེན་ཞུས་ནས་ཨ་རིའི་ཕྱི་སྲིད་ལས་ཁུངས་ཀྱི་༢༠༢༢ ལོའི་རྒྱལ་སྤྱིའི་ཆོས་དད་རང་མོས་སྙན་ཐོའི་ཐད་བགྲོ་གླེང་ཞུས་ཡོད། དེ་བཞིན་དུ་ཚེ་རིང་སྐྱིད་ལགས་ཀྱིས་བོད་མིའི་ཚོང་ལས་བདེ་ཚོགས་ཀྱི་ཚོགས་གཙོ་བཀྲ་ཤིས་དབང་འདུས་སོགས་གདན་འདྲེན་ཞུས་ནས་བོད་མིའི་ཚོང་ལས་བདེ་ཚོགས་ཀྱི་གྲུབ་འབྲས་དང་དཀའ་ངལ། དེ་བཞིན་ཐེངས་འདིའི་ཨ་རིའི་ནང་གི་ཕྱོགས་སྐྱོད་དམིགས་ཡུལ་སོགས་ཀྱི་ཐད་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།