༄༅།། ཉི་ཧོང་གི་རླུང་འཕྲིན་དང་བརྙན་འཕྲིན་དང་གསར་འགྱུར་ལས་ཁང་ཚོས་སྤེལ་བའི་གནས་ཚུལ་ལྟར་བྱས་པ་ཡིན་ན། ཡུལ་དེའི་ནང་ཁ་ས་གཟའ་ཉི་མའི་ཉིན་རྒྱལ་ཡོངས་གྲོས་ཚོགས་འོག་མའི་འཐུས་མིའི་འོས་བསྡུ་བྱས་ཡོད་པ་དེའི་ནང་གཞུང་འཛིན་མཉམ་སྦྲེལ་སྲིད་གཞུང་ལ་ཁ་ས་ཕྱི་དྲོ་བར་འཐུས་མིའི་གདན་གྲངས་༢༡༤དང་། ཕྱོགས་འགལ་ཚོགས་པ་ཁག་ལ་གདན་གྲངས་༢༣༥ཐོབ་སྟེ་ཡུལ་དེའི་རྒྱལ་ཡོངས་གྲོས་ཚོཌ་ཀྱི་ནང་མཉམ་སྦྲེལ་སྲིད་གཞུ་ལ་གི་འཐུས་མི་གྲང་མང་གི་གནས་བབས་ཤོར་ཡོད་པས་ད་ཆ་སྲིད་གཞུང་རྗེས་མ་དེ་དང་། ཕྱིས་འབྱུང་རྒྱལ་ཁབ་ཀྱི་ནོར་སྲིད་དཔལ་འབྱོར་གྱི་གནས་སྟངས་ཇི་ལྟར་ཆགས་ཀྱི་ཡོད་པ་ངེས་གཏན་མེད་པར་གྱུར་འདུག
སྲིད་བློན་སྐུ་གཞབས་ཤི་གྷེ་རུ་ཨི་ཤི་བྷས་དབུ་འཁྲིད་ད་ལྟའི་སྲིད་གཞུང་དེ་ནི། གུ་ཡང་མང་གཙོ་ཚོགས་དང་། ནང་པའི་ཚོགས་པ་ཀོ་མཻ་ཏོ་གཉིས་ཀྱིས་མཉམ་སྦྲེལ་བྱས་པའི་སྲིད་གཞུང་ཞིག་ཡིན་པ་དང་། འཐུས་མིའི་གདན་གྲངས་ཁྱོན༤༦༥ཡོད་པའི་ཡུལ་དེའི་རྒྱལ་ཡོངས་གྲོས་ཚོགས་འོག་མའི་ནང་འཐུས་མི་གྲངས་ཀྱི་གནས་བབས་འཛིན་རྒྱུར་ཚོགས་པའམ་མཐུན་ཕྱོགས་གང་ཞིག་ལ་འཐུས་མིའི་གདན་གྲངས་ཁྱོན་བསྡོམས༢༣༣ལོངས་དགོས་ཀྱི་ཡོད་པ་དང་། སྲིད་བློན་ཨི་ཤི་བྷས་དབུ་འཁྲིད་པའི་ད་ལྟའི་མཉམ་སྦྲེལ་སྲིད་གཞུང་ལ་ཡུལ་དེའི་རྒྱལ་ཡོངས་གྲོས་ཚོགས་ཀྱི་ནང་འཐུས་མི་ཁྱོན་བསྡོམས༢༨༨ཡོད་རུང་། ཡིན་ན་ཡང་། ཁ་སའི་འོས་བསྡུའི་ནང་ཚོགས་པ་དེ་གཉིས་ལ་ཁྱོན་བསྡོམས་འཐུས་མིའི་གདན་གྲངས་༢༡༤ཙམ་ལས་ཐོབ་མེད་པ་དང་། དེ་ལྟར་སྲིད་བློན་ཨི་ཤི་བྷ་མཆོག་གིས་སྲིད་དབང་མུ་མཐུད་བཟུང་གནང་རྒྱུར་ཁོང་གིས་རང་ཉིད་ཀྱི་མཉམ་སྦྲེལ་གྱི་སྲིད་གཞུང་གི་ནང་ཚོགས་པ་གསུམ་པ་ཞིག་འཇུག་ཐབས་གནང་དགོས་ཀྱི་ཡོད་པ་དང་། འོས་བསྡུའི་ནང་ནང་པའི་ཚོཌ་པ་ཀོ་མཻ་ཏོ་ཞུ་མཁན་ཁོང་རང་ཉིད་ལ་ཕམ་ཉེས་བྱུང་ཡོད་པ་དང་། ད་ལྟ་གདན་གྲངས་བཅུ་གྲངས་ཙམ་གྱི་གྲུབ་འབྲས་གསལ་བསྒྲཌ་བྱ་རྒྱུ་བསྡད་ཡོད་པ་རེད།།
ཁ་སའི་འོས་བསྡུའི་ནང་རྒྱལ་ཁ་ཆེ་ཤོས་ཐོབ་མཁན་དེ་ཡུལ་དེའི་རྩ་ཁྲིམས་དང་མཐུན་པའི་ཚོས་པ་ཡིན་པ་དང་། ཚོགས་པ་དེར་དེ་སྔོན་རྒྱལ་ཡོངས་གྲོས་ཚོགས་ཀྱི་ནང་གདན་གྲངས་༩༨ལས་མེད་སར་ཁ་ས་ཕྱི་དྲོ་བར་གདན་གྲངས་ཁྱོན་སྡོམས༡༤༣ཐོབ་ཡོད་པ་དང་། ད་དུང་གདན་གྲངས་ཁ་ཤས་ཐོབ་རྒྱུའི་རེ་བ་ཡོད་འདུག རྩ་ཁྲིམས་དང་མཐུན་པའི་ཚོས་པའི་དབུ་འཁྲིད་སྐུ་ཞབས་ཡོ་ཤི་རྡས་གསར་འགོད་པ་ཚོར་བཀའ་མོལ་གནང་བའི་སྐབས་ ངའི་ཚོགས་པས་རྒྱལ་ཁབ་ནང་སྲིད་གཞུང་བརྗེ་ལེན་བརྒྱབས་རྒྱུར་དམིགས་ཏེ་ཕྱོགས་འགལ་ཚོགས་པ་གཞན་པ་དང་མཉམ་དུ་གྲོས་མོལ་འགོ་འཛུཌ་བྱེད་ཀྱི་རེད་ཅེས་གསུངས་འདུག
སྲིད་བློན་ཨི་ཤི་བྷ་མཆོག་གིས་གསར་འགོད་པ་ཚོར་བཀའ་མོལ་གནང་བའི་སྐབས་ ངའི་ཚོགས་པས་མཉམ་སྦྲེལ་གྱི་སྲིད་གཞུང་སྒྲིགས་འཛུག་བྱ་རྒྱུར་ངས་ཚོགས་པ་གཞན་དང་མཉམ་དུ་གྲོས་མོལ་འགོ་འཛུགས་བྱ་རྒྱུར་གཟའ་ཟླ་བའི་ཞོ་གས་བར་ངང་སྒུག་བྱེད་ཀྱི་ཡིན་ཅེས་གསུངས་འདུག
སྲིད་བློན་ཨི་ཤི་བྷ་མཆོག་གིས་རང་ཉིད་ལ་མི་མང་ནས་རྒྱབ་སྐྱོར་ཐོབ་རྒྱུར་ཁོང་ཟླ་བ་སྔོན་མ་སྲིད་བློན་ཆགས་པའི་རྗེས་རྒྱལ་ཡོངས་གྲོས་ཚོགས་ཀྱི་འཐུས་མིའི་འོས་བསྡུ་གནང་དགོས་པའི་གསལ་བསྒྲཌ་གནང་ཡོད་པ་རེད། ཡུལ་དེའི་ནང་ཟས་སོང་གི་རིན་གོང་མཐོ་རུ་ཕྱིན་པའི་དཀའ་ངལ་དང་། ཚོཌ་པའི་འཐུས་མི་ཚོས་ཚོགས་པའི་ཆཻད་དུ་མ་དངུལ་བསྡུ་རུབ་བྱ་རྒྱུར་ཚོགས་པའི་ནང་ཁ་ལག་བཏང་བ་སོཌ་བྱས་ཏེ་མ་དངུལ་བསྡུ་རུབ་པའི་ལས་བསྡོམས་ཡོངས་གྲཌ་མ་བྱས་པའི་གནས་ཚུལ་བྱུང་བའི་རྗེས་སྲིད་བློན་གོང་མ་སྐུ་ཞབས་ཕུ་མིའོ་ཀི་ཤི་རྡ་མཆོག་གློ་བུར་དུ་སྲིད་བློན་གྱི་མཚན་གནས་ནས་དགོངས་ཞུ་གནང་ཡོད་པའི་རྗེས་གུ་ཡང་མང་གཙོ་ཚོགས་པས་སྐུ་ཞབས་ཨི་ཤི་བྷ་སྲིད་བློན་དུ་མང་མོས་འདེམས་ཐོན་ཞུས་ཡོད་པ་རེད།
ཕྱོགས་འགལ་ཚོགས་པ་ཚོས་ཉེ་དུས་འོས་བསྡུའི་དྲིལ་བསྒྲཌ་ལས་འགུལ་གནང་བའི་སྐབས་གཞུང་འཛིན་མཉམ་སྦྲེལ་སྲིད་གཞུང་གི་བྱས་ཁག་འབུར་སྟོན་བྱས་ཏེ་གསལ་བསྒྲཌ་བྱས་པ་དེས་འོས་བསྡུའི་ནང་གཞུང་འཛིན་མཉམ་སྦྲེལ་སྲིད་གཞུང་ལ་གྱོང་གུན་དེ་བྱུང་ཡོད་པ་རེད།།
གླེང་སྟེགས།