ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨེ་སི་རལ་ལ་གློ་བུར་དྲག་རྒོལ་བྱེད་མཁན་ཧ་མ་སིའི་རྒྱབ་རྩར་གང་ཞིག་ཡོད་པ་དང་། ༧གོང་ས་མཆོག་གིས་བོད་མི་ཁྲིམས་ཀྱི་དབང་སྒྱུར་འོག་ཁྲིད་རིམ། སྲིད་སྐྱོང་གིས་མེག་སི་ཀོའི་ནང་བོད་དོན་དྲིལ་བསྒྲགས། རྒྱ་ནག་གི་སྤྱི་ཚོགས་དྲ་རྒྱའི་སྟེང་བོད་ཀྱི་སྐད་དང་ཡི་གེར་བཀག་སྡོམ། ཁེ་ན་ཌའི་ནང་གི་བོད་དོན་རྒྱང་རྒྱུག་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཀུན་གླེང་གསར་འགྱུར་སྙན་སྒྲོན་པ་ནོར་བུ་བསམ་འཕེལ་ལགས་དང་ལྷན་པ་ལི་སི་ཐན་གྱི་ཧ་མ་སི་ཡུལ་དམག་གིས་ཨེ་སི་རལ་ལ་གློ་བུར་འཇབ་རྒོལ་བྱས་ཏེ་ད་ལྟ་ཨེ་སི་རལ་གྱིས་རྒོལ་ལན་སློག་བཞིན་པ་སོགས་ཀྱི་ཐད་བགྲོ་གླེང་ཞུ་རྒྱུ་དང་། དེ་བཞིན་དུ་ཚེ་རིང་སྐྱིད་ལགས་ཀྱིས་སྐད་ཡིག་ནི་མི་རིགས་ཤིག་གི་རིག་གནས་ཀྱི་སྲོག་ཤིང་དང་རྩིས་ཐང་། རང་དབང་སོགས་ལ་འབྲེལ་བ་ཡོད་པའི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།