༄༅།། དེང་སྐབས་རྒྱ་གར་ལ་ཏོག་དབྱིབས་ནད་དུག་ཁྱབ་གདལ་གྱི་ཛ་དྲག་ཆེ་རུ་འགྲོ་བཞིན་ཡོད་ཅིང་། དེར་བརྟེན་གྲོང་ཁྱེར་མང་པོ་ཞིག་གིས་འགྲོ་འོང་བཀག་སྡོམ་བྱས་ནས་ནད་ཡམས་སྔོན་འགོག་བྱེད་ཀྱི་ཡོད་མོད། འོན་ཀྱང་འདས་པའི་ཉིན་ཞག་གཅིག་གི་རིང་ལ་རྒྱ་གར་བ་༢༢༠༠༠༠་ལྷག་ལ་ཏོག་དབྱིབས་ནད་དུག་འགོས་པ་དང་མི་༡༧༦༡་ལ་འཆི་སྐྱོན་བྱུང་བ། རྒྱ་གར་གཞུང་གིས་སྨན་ཁབ་འབེལ་ལྷུག་ཏུ་བཏང་སྟེ་མི་དམངས་ལ་ཏོག་དབྱིབས་ནད་དུག་སྔོན་འགོག་གི་སྨན་ཁབ་རྒྱག་གང་ཐུབ་བྱེད་ཀྱི་ཡོད་པར་མ་ཟད། རྒྱ་གར་གྱི་དམག་གིས་མི་དམངས་ལ་འགོག་ཁབ་རྒྱག་རྒྱུ་དེར་རམ་འདེགས་སྒྲུབ་ཀྱི་ཡོད་པའི་སྐོར། རྒྱལ་སྤྱིའི་གསར་ལམ་ཁག་ལ་ཐོན་པའི་གནས་ཚུལ་དེ་ཚེ་བརྟན་ཆོས་སྒྲོན་གྱིས་ཕབ་སྒྱུར་དང་སྙན་སྒྲོན་ཞུ་ཡི་རེད།།
