༄༅།། རྒྱ་གར་ནི་དམངས་གཙོའི་རང་དབང་ཡོངས་སུ་ལྡན་པའི་རྒྱལ་ཁབ་ཅིག་ཡིན་ཞིང་། ད་ལོའི་ཕྱི་ཟླ་གཉིས་པར་རྒྱ་གར་གཞུང་གིས་ཊོས་ཊར་དྲྭ་རྒྱར་དམ་དྲག་བྱས་ནས་གནས་ཚུལ་རྗུན་མ་དང་ངན་སྐུལ་འཁོན་འཛིན་གྱི་གཏམ་བཤད་རྣམས་འགོག་དགོས་ཞེས་དྲྭ་རྒྱར་སྟངས་འཛིན་གྱི་ཁྲིམས་ཤིག་གཏན་ལ་ཕབ། དེར་བརྟེན་རྒྱ་གར་བ་ཚོས་སྲིད་གཞུང་གིས་མི་དམངས་གི་དྲྭ་ལམ་གཏམ་བརྗོད་རང་དབང་དང་དྲྭ་ལམ་དུ་བཀོད་པའི་སྐྱེ་བོ་སྒེར་གྱི་གནས་ཚུལ་རྣམས་གསང་བ་བྱེད་དགོས་པའི་ཐོབ་ཐང་སོགས་ལ་རྡོག་རོལ་གཏོང་ཉེན་འདུག་ཅེས་འཇིགས་སྣང་བྱེད་ཀྱི་ཡོད་པའི་སྐོར། རྒྱལ་སྤྱིའི་གསར་ཤོག་ཁག་ལ་ཐོན་པའི་གནས་ཚུལ་རྣམས་པདྨ་བདེ་ཆེན་ལགས་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།
