ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གི་ཐེངས་འདིའི་ལ་དྭགས་མཛད་འཕྲིན་ལེགས་པར་གྲུབ་ནས་ཕྱིར་བཞུགས་སྒར་དུ་ཞབས་སོར་འཁོད་པ་དང་། བཙན་དབང་འོག་གར་སོང་ཆ་མེད་གྱུར་བའི་དུས་དྲན་སྲུང་བརྩི། སྲིད་འཛིན་ཟུར་པ་ཊམ་ལ་ཁྲིམས་བཤེར་གྱི་དུས་ཚེས། སྲིད་འཛིན་འོས་མིའི་ཕྱི་སྲིད་ལངས་ཕྱོགས་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཆབ་སྲིད་བཙོན་ཟུར་དོན་གྲུབ་དབང་ཆེན་ལགས་གདན་འདྲེན་ཞུས་ནས་བོད་ཀྱི་རྒྱལ་ས་ལྷ་ས་རུ་མགོན་པོ་སྐྱིད་ལགས་ཀྱིས་ཞུ་གཏུག་བྱེད་བཞིན་པ་དང་གཅར་རྡུང་དཀའ་ངལ་མྱོང་བཞིན་པའི་ཐད་བགྲོ་གླེང་ཞུས་ཡོད། དེ་བཞིན་དུ་ཚེ་རིང་སྐྱིད་ལགས་ཀྱིས་ནིའུ་ཡོག་གྲོང་ཁྱེར་སྤྱི་ཁྱབ་དཔལ་འབྱོར་ལས་ཁུངས་ཀྱི་ཉམས་ཞིབ་པ་རྒན་པ་དང་འབུམ་རམས་པ་ཚེ་དབང་རིག་འཛིན་ལགས་གདན་འདྲེན་ཞུས་ནས་རྒྱ་ནག་གི་གཞོན་སྐྱེས་ལས་མེད་ཀྱི་གནད་དོན་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།