ཨ་རིའི་སྲིད་འཛིན་གྱི་འདེམས་བསྐོས་འཛམ་གླིང་ཐོག་ཤུགས་རྐྱེན་ཡོང་གི་ཡོད་པ།

༄༅།། རྒྱལ་སྤྱིའི་རྒྱལ་ཁབ་གཞན་པ་ཚོས་ཨ་རིའི་སྲིད་འཛིན་གྱི་འོས་བསྡུའི་ནང་མཉམ་ཞུགས་བྱེད་ཀྱི་མེད་རུང་། ཡིན་ནཡང་། ཨ་མི་རི་ཀ་བ་ཚོས་ལྕམ་ཀམ་ལ་ཧེ་རྼིསི་དང་། སྲིད་འཛིན་ཟུར་པ་ཌོ་ནཱལ་ཊྲམ་གཉིས་ནས་སུ་སྲིད་འཛིན་དུ་འདེམས་བསྐོ་ཞུ་ཡི་ཡོད་དེའི་ཤུགས་རྐྱེན་དེ་གྷཱ་ཛ་དང་ཡུག་རེན་གྱི་དམག་འཁྲུག་དང་། གནམ་གཤིས་ཀྱི་འགྱུར་བ་དང་། འཛམ་གླིང་གི་ཚོང་འབྲེལ་སོཌ་འཛམ་གླིང་གི་གནད་དོན་མང་པོ་ཞིག་ཐོག་ཤུགས་རྐྱེན་ཆེན་པོ་ཡོང་ངེས་ཡིན་འདུག

དེའི་ནང་ནས་ཨིཛ་རཱ་ཡེལ་གྱི་གནད་དོན་ལ་ཆ་བཞག་ན། ཌོ་ནཱལ་ཊྲམ་སྲིད་འཛིན་དུ་འདེམས་ཐོན་བྱུང་བ་ཡིན་ན། ཡུལ་དེའི་མི་མང་ཚོས་དགའ་ཚོར་ཆེན་པོ་བྱེད་སྲིད་པ་ཞིག་ཡིན་རུང་། ཡིན་ན་ཡང་། པཻ་ལིསྚིན་གྱི་རྒྱལ་ཁབ་ལོགས་ཀ་ཞིག་བཟོ་རྒྱུར་ཨིཛ་རཱ་ཡེལ་གྱི་མི་མང་ཚོས་ངོ་རྒོལ་བྱེད་ཀྱི་ཡོད་པ་དེ་ནི་ཨ་རིའི་རྒྱུན་ལྡན་གྱི་ལངས་ཕྱོཌ་དང་རྒྱབ་འགལ་དུ་འགྲོ་གི་ཡོད་པ་དང་། ཨིཛ་རཱ་ཡེལ་དང་། པཻ་ལིསྚིན་གྱི་དཀའ་ངལ་དེ་ནི། པཻ་ལིསྚིན་དང་ཨིཛ་རཱ་ཡེལ་བཅས་རྒྱལ་ཁབ་ལོགས་ཁ་གཉིས་བཟོས་པ་ཁོ་ནའི་བརྒྱུད་ནས་སེལ་རྒྱུ་ལས་ཐབས་བྱུས་གཞན་མེད་པས་ཐབས་བྱུས་དེར་ཨ་མི་རི་ཀའི་སྲིད་འཛིན་སུས་ཀྱང་འགྱུར་བ་གནང་ཐུབ་ཐབས་མེད་པས་ཕུགས་རྒྱང་རིང་པོའི་ཆ་ནས་ད་རེས་ཀྱི་འོས་བསྡུའི་སྐབས་སྲིད་འཛིན་སུ་ཆགས་ཀྱི་ཡོད་རུང་ཤུགས་རྐྱེན་ཡོང་རྒྱུ་ཁག་པོ་ཡིན་ལུགས་དཔྱད་ཞིབ་པ་ཚོས་འགྲེལ་བརྗོད་གནང་གི་ཡོད་འདུག

ཡིན་ན་ཡང་། ཌོ་ནཱལ་ཊྲམ་གྱིས་ཨི་རཱན་གྱི་ཐོག་གྱོང་མཁྲེགས་ཆེ་བའི་སྲིད་བྱུས་ཤིག་འཛིན་གྱི་ཡོད་པ་དེས་ཨིཛ་རཱ་ཡེལ་གྱི་སྲིད་བློན་ནེ་ཏན་ཡ་འུ་ཐེ་བས་མི་མང་ཚོས་ཊྲམ་སྲིད་འཛིན་དུ་འདེམས་ཐོན་བྱུང་བ་ཡིན་ན་དགའ་མོས་ཆེ་བ་བྱེད་ཉེན་ཡོད་འདུག

ཨ་རིའི་སྲིད་འཛིན་གྱི་འོས་བསྡུ་དེ་ནི། ཨུ་རུ་སུ་དང་ཡུག་རེན་གཉིས་ལ་ཁྱད་པར་ཆེན་པོ་བཟོ་གཞིའི་གནད་ཅིག་ཡིན་པ་རེད། ཊྲམ་གྱིས་ཡུག་རེན་གྱི་དམག་འཁྲུག་ལངས་པའི་ལེ་ཁག་དེ་ཡུག་རེན་གྱི་སྲིད་འཛིན་ཛེ་ལེན་སྐི་ལ་ཡོད་པའི་སྐྱོན་བརྗོད་ཞུ་གི་ཡོད་པ་དང་། ཊྲམ་ཨ་རིའི་སྲིད་འཛིན་དུ་འདེམས་ཐོན་བྱུང་བ་ཡིན་ན། ཨུ་རུ་སུར་ཁེ་སང་དང་། ཡུག་རེན་ལ་གྱོང་གུན་ཡོད་པའི་ཞི་བདེའི་མཐུན་གྲོས་ཤིག་བཞག་ཏུ་འཇུག་སྲིད་པའི་ཚོད་དཔག་བྱེད་ཀྱི་ཡོད་པ་དང་། གལ་སྲིད་ཀམ་ལ་ཧེརྼིསི་སྲིད་འཛིན་དུ་འདེམས་ཐོན་བྱུང་བ་ཡིན་ན་ཁོང་གིས་ཡུག་རེན་ལ་རྒྱབ་སྐྱོར་རོགས་རམ་མུ་མཐུད་གནང་རྒྱུ་ཡིན་ལུགས་གསུངས་ཡོད་པ་རེད།།

ཡུ་རོབ་ཀྱི་ཡུལ་གྲུ་ཧང་གྷེ་རི་དང་། ཨི་ཊི་ལི། ཇར་མ་ནི་སོཌ་ས་ཁུལ་ཁ་ཤས་ཀྱི་མི་རིགས་ཚོས་ཕྱི་རྒྱལ་ནས་ཡོང་མཁན་མི་རིགས་ལ་དགའ་མོས་བྱེད་ཀྱི་མེད་པ་དང་། རྒྱལ་ཞེན་རིང་ལུགས་ལ་དགའ་མོས་བྱེད་མཁན་ཚོས་//ཊྲམ་གྱིས་ཁོང་ཚོར་རྒྱབ་སྐྱོར་བྱེད་ཀྱི་རེད་བསམས་ཏེ་ཁོང་ཚོས་ཊྲམ་ལ་རྒྱལ་ཁ་ཐོབ་རྒྱུར་རྒྱབ་སྐྱོར་བྱེད་ཀྱི་ཡོད་པ་རེད།

ཡང་ཕྱོགས་གཞན་ཞིག་ནས་ནུབ་ཕྱོགས་ཡུ་རོབ་ཀྱི་ཡུལ་ཁག་ཕལ་ཆེར་གྱིས་ཊྲམ་སྲིད་འཛིན་དུ་འདེམས་ཐོན་ཡོང་སྲིད་པ་དེར་བློ་འཚབ་ཆེན་པོ་ཡོང་གཞི་ཞིག་ཆགས་ཀྱི་ཡོད་པ་དང་། ཊྲམ་གྱིས་ཨ་མི་རི་ཀས་ནུབ་ཕྱོགས་ཡུལ་ཁག་ཚོ་ནས་ནང་འདྲེན་བྱས་པའི་དངོས་ཟོག་ཚང་མའི་ཐོག་སྒོ་ཁྲལ་བརྒྱ་ཆ་བཅུ་ནས་༢༠ཙམ་བཙན་འགེལ་བྱ་རྒྱུའི་ཆོད་སེམས་བཙུགས་ཡོད་པའི་ཐོག ཊྲམ་གྱིས་ཨ་མི་རི་ཀ་བྱང་མཚོ་ཨེཊ་ལན་ཊིག་དམག་དོན་མཐུན་ཕྱོགས་ནས་ཕྱིར་འཐེན་བྱ་རྒྱུའི་ཉེན་བརྡ་ཡང་སེ་བཏང་ཡོད་པ་རེད།།

ཨ་མི་རི་ཀ་དང་རྒྱ་ནག་ཡུལ་གྲུ་གཉིས་དབར་གྱི་ཚོང་འབྲེལ་དང་། ཐེ་ཝན་གྱི་གནད་དོན་དེ་ནི། རྒྱ་ནག་ལ་བློ་འཚབ་ཆེན་པོ་བཟོ་གཞི་ཞིག་ཆགས་ཀྱི་ཡོད་པ་དང་། ཡུལ་དེའི་ནོར་སྲིད་དཔལ་འབྱོར་གྱི་བཀོད་པ་དེ་ནི། ཨ་མི་རི་ཀ་གཙོ་བོར་གྱུར་བའི་ཕྱིའི་རྒྱལ་ཁབ་གཞན་ལ་ཕྱིར་ཚོང་བྱ་རྒྱུར་དམིགས་པའི་དཔལ་འབྱོར་གྱི་བཀོད་པ་ཞིག་ཡིན་པ་དང་། ཊྲམ་གྱིས་རྒྱ་ནག་ནས་ནང་འདྲེན་བྱས་པའི་དངོས་ཟོག་དེ་དག་གི་ཐོག་སྒོ་ཁྲལ་བརྒྱ་ཆ་༦༠བཙན་འགེལ་བྱ་རྒྱུའི་ཉེན་བརྡ་གཏོང་གི་ཡོད་པས་རྒྱ་ནག་གི་དཔོན་རིགས་ཚོར་བློ་འཚབ་ཆེན་ཡོང་གཞི་ཞིག་ཆཌ་ཀྱི་ཡོད་པ་རེད།

བྷཡེ་ཌེན་སྲིད་གཞུང་གིས་ཉི་ཧོང་དང་། ལྷོ་ཀོ་རི་ཡ། ཕི་ལིབ་པིན། རྒྱ་གར། ཐེ་ཝན་བཅས་དང་མཉམ་དུ་ཨ་མི་རི་ཀའི་འབྲེལ་ལམ་ཤུགས་ཆེ་ཤུགས་ཆེ་རུ་བཏང་གནང་རྒྱུའི་སྲིད་བྱུས་ཤིག་བཟུང་གནང་ཡོད་པ་ལྟར་ ལྕམ་ཀམ་ལ་ཧེ་རི་སི་ཡིས་ཀྱང་སྲིད་བྱུས་དེ་དག་མུ་མཐུད་ཕྱག་ལེན་དུ་བསྟར་རྩིས་ཡོད་པ་དེར་རྒྱ་ནག་ལ་བློ་འཚབ་ཡོང་གཞི་ཞིག་ཆགས་ཀྱི་ཡོད་པ་དང་། ཊྲམ་གྱིས་རྒྱལ་སྤྱིའི་ནང་མཐུན་གྲོཌ་བཟོ་རྒྱུར་དོ་སྣང་ཆེན་པོ་དེ་ཙམ་བྱེད་ཀྱི་མེད་པའི་ཁར། ཐེ་ཝན་སྲུང་སྐྱོབ་བྱ་རྒྱུར་སེམས་ཁུར་ཆེན་པོ་དེ་ཙམ་འཁྱེར་གྱི་མེད་པས་ཁོང་ཨ་མི་རི་ཀའི་སྲིད་འཛིན་ཆགས་རྒྱུ་དེར་རྒྱ་ནག་གིས་དགའ་མོས་ཆེན་པོ་བྱེད་ཀྱི་ཡོད་པ་རེད།

ཊྲམ་གྱིས་རང་ཉིད་སྲིད་འཛིན་དུ་འདེམས་ཐོན་བྱུང་བ་ཡིན་ན། རྒྱལ་སྤྱིའི་ཚོང་འབྲེལ་གྱི་ཐོག་སྒོ་ཁྲལ་བརྒྱ་ཆ་བཅུ་ནས་ཉི་ཤུ་ཙམ་སྤར་རྒྱུའི་ཉེབ་བརྡ་གཏོང་གི་ཡོད་པ་དེས་རྒྱལ་སྤྱིའི་ནང་ཚོང་འབྲེལ་གྱི་ཐོག་མི་མཐུན་པའི་འཐེན་འཁྱེར་གསར་པ་ཞིག་ལངས་རྒྱུའི་ཉེན་ཁ་ཡོད་པ་དང་། དཔལ་འབྱོར་རིག་པ་བ་མང་པོ་ཞིག་གིས་ཊྲམ་གྱིས་་སྒོ་ཁྲལ་ཤུགས་ཆེ་རུ་བཏང་རྒྱུའི་སྲིད་བྱུས་དེས་རྒྱལ་སྤྱིའི་ནང་ཚོང་འབྲེལ་ཤུགས་ཆུང་དུ་འགྲོ་བ་དང་། བཟོ་ཚོང་ཁང་ཚོའི་ཡོང་འབབས་ཆུང་དུ་འགྲོ་རྒྱུའི་ཉེན་བརྡ་བཏང་གནང་ཡོད་པ་རེད།

ཨ་མི་རི་ཀ་དང་རྒྱ་ནག་གཉིས་ནི། འཛམ་གླིང་ནང་དུ་བ་ཤུགས་ཆེ་ཤོས་གློད་གཏོང་བྱེད་མཁན་རྒྱལ་ཁབ་ཡིན་པ་དང་། ལྕམ་ཧེ་རི་སི་སྲིད་འཛིན་དུ་འདེམས་ཐོན་བྱུང་བ་ཡིན་ན་ཁོང་གིས་དུ་བ་གློད་གཏོང་བྱེད་པ་ཤུགས་ཆུང་དུ་བཏང་རྒྱུའི་སྲིད་འཛིན་བྷཡེ་ཌེན་གྱི་སྲིད་བྱུས་དེ་མུ་མཐུད་ཕྱག་ལེན་དུ་བསྟར་གནང་རྒྱུ་ཡིན་ལུགས་གསུངས་ཀྱི་ཡོད་པ་དང་། ཨ་མི་རི་ཀ་ནི་ད་ལྟའི་ཆར་འཛམ་གླིང་ནང་རྡོ་སྣུམ་བརྔོགས་འདོན་བྱེད་མཁན་རྒྱལ་ཁབ་ཤུགས་ཆེ་ཤོས་དེ་ཡིན་པ་དང་། ཁོང་གིས་རྡོ་སྣུམ་དང་རང་བཞིན་རླུངས་རླངས་བརྔོགས་འདོན་གནང་ཕྱོཌ་ཀྱི་ཐད་སྲིད་བྱུས་ཇི་ལྟར་བཟུང་གི་གནང་གི་ཡོད་ད་བར་འཆར་གཞི་གསལ་པོ་གསུངས་མེད་པའི་གནས་ཚུལ་ཐོན་འདུག