ཨབ་གྷ་ཎི་སི་ཐན་གྱི་རྒྱལ་ས་ཀ་བུལ་ཡང་ཐ་ལི་བན་ལ་ཤོར་བའི་རྗེས་བྱ་ཐབས་ཟད་དེ་ས་གནས་མི་མང་སྟོང་ཕྲག་མང་པོས་རེས་གཟའ་ཟླ་བའི་ཉིན་ཀ་བུལ་གནམ་ཐང་དུ་བསྐྱོད་ནས་ཨ་རིའི་དམག་མིའི་གནམ་གྲུའི་ནང་འཛུལ་ཐབས་བྱས་པའི་ཟིང་ཆའི་ནང་མི་ལྔ་སྲོག་སྐྱོན་བྱུང་བའི་རྐྱེན་གྱིས་སྐབས་ཤིག་རིང་ཨ་རིའི་ཕྱི་འབྲེལ་མི་སྣ་ཁག་ཉེན་གཡོལ་བྱ་རྒྱུའི་ལས་འཆར་ལ་འགོག་རྐྱེན་བྱུང་ཡོད་པའི་སྐོར་རྒྱལ་སྤྱིའི་གསར་ལམ་ཁག་ནང་ཐོན་པའི་གནས་ཚུལ་དེ་ཚེ་བརྟན་ཆོས་སྒྲོན་ལགས་ཀྱིས་ཕབ་བསྒྱུར་དང་སྙན་སྒྲོན་ཞུས་གནང་གི་རེད།
