ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་སྲིད་གཞུང་སྒོ་རྒྱག་རྒྱུའི་ཉེན་ཁ་དང་། འབྱོར་ལྡན་རྒྱལ་ཁབ་ཉི་ཤུའི་ཚོགས་ཆེན་གྱི་སྔ་ནུབ་ཏུ་བོད་དོན་འབོད་སྐུལ། བོད་མི་མང་སྤྱི་འཐུས་ཚོགས་གཞོན་གྱི་འབོད་སྐུལ། ཤར་ལྷོ་ཨེ་ཤི་ཡའི་རྒྱལ་ཁབ་ཚོགས་ཆེན། ཕྱི་སྲིད་དྲུང་ཆེས་ཡུག་ཀེ་རན་ལ་འཚམས་གཟིགས་གནང་བ་སོགས་ཡོད། དེ་རིང་གི་དྲ་སྣང་གི་བོད་དུ་ལོན་ཌོན་གྲོས་ཚོགས་ཐང་དུ་བོད་ཡིག་ངོ་སྤྲོད་ཀྱི་ལས་འགུལ་དང་། རྒྱལ་དར་དང་རྒྱལ་ཞེན། འཕྲུལ་རིག་རྒྱུན་ཤེས་ངོ་སྤྲོད་ཀྱི་བརྙན་བྱང་། རྒྱལ་ཚོགས་ཀྱི་སྐུ་ཚབ་བོད་དུ་གཟིགས་སྐོར་ལ་ཁྲིད་པར་དྲ་མང་གི་ལྟ་ཚུལ་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་ནེའུ་ཡོག་དང་ནེའུ་ཇར་སིའི་བོད་རིགས་སྤྱི་མཐུན་ཚོགས་པའི་ཚོགས་གཙོ་ཆོས་རྫོང་ནོར་བུ་ཚེ་རིང་དང་ཁེ་ན་ཌའི་ཨོན་ཊ་རི་ཡོ་བོད་རིགས་སྤྱི་མཐུན་ཚོགས་པའི་ཚོགས་གཙོ་བསོད་ནམས་གླང་དཀར་རྣམ་གཉིས་གདན་འདྲེན་ཞུས་ནས་བྱང་ཨ་རིའི་བོད་རིགས་སྤྱི་མཐུན་ཚོགས་པ་ཁག་གི་ཚོགས་ཆེན་ཐེངས་༢༡་པའི་གྲོས་ཆོད་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།