ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་ཆོ་འཕྲུལ་སྨོན་ལམ་ཆེན་མོའི་ཚོགས་མགོན་དུ་དབུ་བཞུགས་གནང་བ་དང་། ཨ་རི་དང་ཨུ་རུ་སུའི་གྲོས་མོལ། ཨ་རིའི་གཞུང་གི་སྔོན་རྩིས་ཁྲིམས་འཆར་གྱི་གནས་བབ། སྟོབས་ཆེན་རྒྱལ་ཁབ་བདུན་གྱི་ཚོགས་ཆེན། ཊམ་དང་ནུབ་ཆིངས་ཀྱི་སྤྱི་ཁྱབ་དྲུང་ཆེའི་མཇལ་འཕྲད། ཐེ་ཝན་གྱི་སྐྱོན་བརྗོད་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་བོད་དང་རྒྱ་ནག་གི་གནད་དོན་དབྱེ་ཞིབ་པ་ཀུན་དགའ་བཀྲ་ཤིས་ལགས་གདན་འདྲེན་ཞུས་ནས་གཟའ་མིག་དམར་ཉིན་མཇུག་སྒྲིལ་བྱུང་བའི་རྒྱ་ནག་གི་ཚོགས་ཆེན་གཉིས་ཀྱི་ཐོག་ཏུ་བོད་དོན་དང་རྒྱ་ནག་གི་དཔལ་འབྱོར། ཐེ་ཝན་དང་རྒྱལ་སྤྱིའི་ཐོག་ཏུ་འཛིན་པའི་སྲིད་ཇུས་གསར་པ་གཏན་འབེབས་ཅི་བྱུང་སོགས་ལ་བགྲོ་གླེང་ཞུ་རྒྱུ་ཡིན།། བདུན་ཕྲག་གཅིག་ལ་ཐེངས་གཉིས་རེ་ཡོད་པའི་བརྙན་འཕྲིན་ལས་རིམ་འདིའི་ནང་བོད་ཕྱི་ནང་ གཉིས་ཀྱི་བོད་པ་ཚོར་ཆེད་དུ་བསྒྲིགས་པའི་གཟའ་འཁོར་གཅིག་གི་གསར་འགྱུར་དང༌། དེ་བཞིན་བརྗོད་གཞི་སྣ་ཚོགས་ཀྱི་ཐད་བཅར་འདྲི་དང་བགྲོ་གླེང་བྱེད་པའི་ཀུན་གླེང་ལེ་ཚན་གོ་སྒྲིག་བྱས་ཡོད། ང་ཚོའི་སྐུ་མགྲོན་རྣམ་པས་འབྲེལ་ཡོད་ཀྱི་བརྗོད་གཞི་དང་གནད་དོན་ཁག་ལ་དཔྱད་ བརྗོད་བྱས་ཏེ། ཀུན་གླེང་གསན་གཟིགས་གནང་མཁན་ཚོར་ཤེས་བྱ་གསར་པ་ངོ་སྤྲོད་དང་བློ་སྒོ་འབྱེད་ ཐབས་བྱེད་པ་ཡིན།།