༄༅། ཉི་ཧོང་ནང་འོས་ཤོག་བླུགས་མཁན་རྒྱ་ཆེའི་མི་མང་ཚོས་ཁེ་ཉིན་གཟའ་ཉི་མའི་ཉིན་བྱས་པའི་འོས་བསྡུའི་ནང་གཡོ་སྒྱུ་མས་ནག་པོ་ཆགས་པའི་སྲིད་བློན་སྐུ་ཞབས་ཤི་གྷེ་རུ་ཨི་ཤི་བྷཱ་མཆོག་གིས་དབུ་འཁྲིད་པའི་མཉམ་སྦྲེལ་སྲིད་གཞུང་ལ་ཉེས་ཆད་བཏང་སྟེ་གྲོས་ཚོཌ་ཀྱི་ནང་སྲིད་གཞུང་དེའི་འཐུས་མི་གྲངས་མང་གི་གནས་བབས་དེ་ཤོར་དུ་བཅུག་ཡོད་པའི་རྗེས་ཡུལ་དེའི་སྲིད་བློན་རྗེས་མ་དེ་ཚོགས་པ་དང་མཉམ་སྦྲེལ་མཐུན་ཕྱོགས་གང་གི་དབུ་འཁྲིད་ཞིག་གིས་གནང་གི་ཡོད་ངེས་གཏན་མེད་པ་ཆགས་ཡོད་འདུག
ཡུལ་དེའི་ཆབ་སྲིད་ཀྱི་གནས་སྟངས་ལ་འགྱུར་བ་ཆེན་པོ་ཞིག་བྱུང་བ་དེས་མ་རྩའི་རྐང་གྲངས་ཀྱི་ཁྲོམ་རྭའི་ནང་ཡུལ་དེའི་དངུལ་ལོར་ཡེན་གྱི་རྫ་ཐང་གི་རིན་འབབ་དེ་འདས་པའི་ཟླ་བ་གསུམ་གྱི་ནང་ཆགས་མ་མྱོང་བའི་ཚད་གཞིར་ཆགས་ཡོད་འདུག
ཉི་ཧོང་ནང་བྱུང་བའི་གནས་ཚུལ་དེ་ནི། ཡུལ་དེའི་ནང་ནོར་སྲིད་དཔལ་འབྱོར་གྱི་གནས་སྟངས་ལ་ཡར་རྒྱས་ཀྱི་འགྱུར་མ་ཕྱིན་པར་དེ་མུར་ལས་ཀྱི་ཡོད་པའི་དཀའ་ངལ་དང་། རྒྱ་ནག་དང་བྱང་ཀོ་རི་ཡ་གཉིས་ཀྱིས་གྱོང་མཁྲེགས་ཆེ་བའི་ལངས་ཕྱོགས་སྲིད་བྱུས་བཟུང་སྟེ་ཉི་ཧོང་གི་བདེ་འཇགས་སྲུང་སྐྱོབ་ཀྱི་གནས་སྟངས་ཛ་དྲག་ཅན་ཞིག་ཆགས་ཡོད་པ། དེ་བཞིན་ཉི་ཧོང་གི་མཐུན་ཕྱོཌ་ཉེ་ཤོས་ཨ་མི་རི་ཀའི་ནང་ད་ནས་བདུན་ཕྲག་གཅིག་གི་རྗེས་ངེས་གཏན་མེད་པའི་སྲིད་འཛིན་གྱི་འོས་བསྡུ་ཞིག་བྱེད་ཀྱི་ཡོད་པའི་སྐབས་འདིར་བྱུང་བ་ཞིག་ཡིན་པ་དང་། སྲིད་བློན་ཨི་ཤི་བྷ་མཆོག་གིས་ཁ་ས་གཟའ་ཟླ་བའི་ཉིན་གསར་འགོད་པ་ཚོར་བཀའ་མོལ་གནང་བའི་སྐབས་ “ང་ཚོས་བདེ་འཇཌ་སྲུང་སྐྱོབ་དང་དཔལ་འབྱོར་གྱི་འཁོར་ཡུག་གཉིས་ཀའི་ཐོག་ལ་དཀའ་ངལ་ཆེན་པོ་འཕྲད་ཀྱི་ཡོད་པས་ང་ཚོས་སཽའི་རྒྱལ་ཁབ་ཀྱི་དཔལ་འབྱོར་འཕེལ་རྒྱས་ལ་ཉམས་ཉེས་དོ་ཕོགས་འགྲོ་རུ་འཇུག་ཐབས་མེད་པ་ཞིག་རེད་ཅེས་གསུངས་ཏེ་ཁོང་གིས་སྲིད་བློན་མུ་མཐུད་དེ་གནང་གི་ཡིན་”གསུངས་འདུག
ཁེ་ཉིན་བྱས་པའི་འོས་བསྡུའི་ནང་སྐུ་ཞབས་ཨི་ཤི་བྷཱ་མཆོག་གིས་དབུ་འཁྲིད་པའི་གུ་ཡང་མང་གཙོ་ཚོགས་པ་དང་། ནང་པའི་ཚོགས་པ་ཀོ་མཻ་ཏོ་གཉིས་ལ་འོས་བསྡུའི་གོང་རྒྱལ་ཡོངས་གྲོས་ཚོགས་ཀྱི་ནང་འཐུས་མིའི་གདན་གྲངས་ཁྱོན་བསྡོམས་༢༧༩ཡོད་པ་དེ་༢༡༥ལ་ཆགས་ཡོད་པ་དང་། མཉམ་སྦྲེལ་གྱི་མཐུན་ཚོགས་དེས་སྲིད་གཞུང་སྒྲིཌ་འཛུག་བྱ་རྒྱུར་ད་ཆ་མཐུན་ཕྱོགས་དེར་འཐུས་མིའི་གདན་གྲངས་༡༨ངེས་པར་དུ་དགོས་ཀྱི་ཡོད་པ་རེད། ཡ་མཚན་པའི་གནས་ཚུལ་ལ་ཁེ་ཉིན་གྱི་འོས་བསྡུའི་ནང་མཉམ་སྦྲེལ་སྲིད་གཞུང་གི་བློན་ཆེན་ལྷན་ཁང་གི་བློན་ཆེན་གཉིས་དང་། ནང་པའི་ཚོགས་པ་ཀོ་མཻ་ཏོའི་འགོ་འཁྲིད་སྐུ་ཞབས་ཀི་ཤི་ཨི་ཤི་གཉིས་ལ་འོས་བསྡུའི་ནང་ཕམ་ཉེས་བྱུང་ཡོད་པ་རེད།
ཁེ་ཉིན་གྱི་འོས་བསྡུའི་ནང་རྒྱལ་ཁ་ཆེ་ཤོས་ཐོབ་མཁན་དེ་རྩ་ཁྲིམས་དང་མཐུན་པའི་མང་གཙོའི་ཚོས་པ་ཡིན་པ་དང་། ཚོགས་པ་དེར་དེ་སྔོན་གྲོས་ཚོགས་ཀྱི་ནང་གདན་གྲངས་༩༨ལས་མེད་སར་ད་རེས་ཀྱི་འོས་བསྡུའི་ནང་འཐུས་མིའི་གདན་གྲངས་དེ་༡༤༨འཐོབ་ཡོད་འདུག ཡིན་ན་ཡང་། ཡུལ་དེའི་རྒྱལ་ཡོངས་གྲོས་ཚོཌ་ཀྱི་ནང་འཐུས་མི་ཁྱོན་བསྡོམས་༤༦༥ཡོད་པས་ཚོགས་པ་དེར་གྲོས་ཚོགས་ཀྱི་ནང་འཐུས་མི་གྲངས་མང་གི་གནས་བབས་ཐོབ་ཏེ་སྲིད་གཞུང་སྒྲིཌ་འཛུགས་བྱེད་ཆོག་རྒྱུར་ད་དུང་འཐུས་མིའི་གདན་གྲངས་༨༥དགོས་ཀྱི་ཡོད་པ་རེད།
ཉི་ཧོང་གི་མཉམ་སྦྲེལ་སྲིད་གཞུང་གི་གྲོས་ཚོཌ་ཀྱི་འཐུས་མི་མང་པོ་ཞིག་གིས་ཡུལ་དེའི་གསར་འགྱུར་ལས་ཁང་ཀྱོ་ཌོ་ལ་བཀའ་མོལ་གནང་བའི་སྐབས། ང་ཚོས་སྲིད་བློན་རྗེས་མ་སུས་གནང་རྒྱུ་ཡིན་མིན་གྱི་སྐོར་ལ་གྲོས་ཚོཌ་ཀྱི་འཐུས་མི་ཚོས་རིང་མིན་ཕྱི་ཟླ་༡༡པའི་ཚེས་༡༡གི་ཉིན་འོས་བསྡུ་བྱེད་ཀྱི་རེད་ཅེས་གསུངས་འདུག སྐུ་ཞབས་ཨི་ཤི་བྷའི་དབུ་འཁྲིད་ཀྱི་འོག་ཚོགས་པར་ཕམ་ཉེས་ཆེན་པོ་བྱུང་ཡོད་པས་ཁོང་གིས་སྲིད་བློན་མུ་མཐུད་དེ་གནང་ཐུབ་ཀྱི་ཡོད་མེད་ད་ལྟ་ངེས་གཏན་མེད་པ་དང་། མཉམ་སྦྲེལ་གྱི་སྲིད་གཞུང་གསར་པ་ཞིག་སྒྲིག་འཛུགས་བྱེད་ཕྱོགས་ཀྱི་ཐོག་ལ་ཡུལ་དེའི་སྲིད་དོན་ཚོཌ་པ་ཆུང་འཛགས་ཁག་གིས་གལ་ཆེའི་ཆ་ཤས་ལེན་སྲིད་པའི་ཉེན་ཁ་ཡོད་པ་རེད།
ཡུལ་དེའི་ཕྱོགས་འགལ་རྩ་ཁྲིམས་དང་མཐུན་པའི་མང་གཙོའི་ཚོགས་པ་སི་ཌི་པི་ཡི་དབུ་འཁྲིད་ཡོ་ཤི་ཧི་ཀོ། ནོ་ཌས་ད་ལྟའི་སྲིད་གཞུང་དེ་གནས་གཡུང་བཏང་རྒྱུར་ཁོང་གིས་ཚོགས་པ་གཞན་པ་ཚོ་དང་མཉམ་དུ་བཀའ་གྲོས་གནང་གི་ཡོད་ཞེས་གསུངས་ཡོད་པ་དང་།
འཐུས་མིའི་གདན་གྲངས་༢༨དང་། ༣༨ཡོད་པའི་མི་མང་གི་མང་གཙོའི་ཚོགས་པ་ཌི་པི་པི་དང་། ཉི་ཧོང་གི་གསར་གཏོད་ཚོགས་པ་ཇེ་ཨ་ཡེ་པི་གཉིས་མཉམ་སྦྲེལ་སྲིད་གཞུང་སྒྲིགས་འཛུགས་བྱ་རྒྱུར་གལ་འགངས་ཤིན་ཏུ་ཆེན་པོ་ཆཌ་ཀྱི་ཡོད་པ་རེད། ཡིན་ན་ཡང་། ཚོགས་པ་དེ་ཚོ་གཉིས་ཀྱིས་ཉི་ཧོང་གི་གུ་ཡང་མང་གཙོའི་ཚོཌ་པ་དང་མཉམ་དུ་མཉམ་སྦྲེལ་གྱི་སྲིད་གཞུང་སྒྲིག་འཛུག་བྱ་རྒྱུར་མོས་མཐུན་བྱེད་ཀྱི་མིན་ཞེས་གསལ་པོ་བཤད་འདུག ཡིན་ན་ཡང་ཚོགས་པ་དེ་གཉིས་ཀྱིས་གནད་དོན་མང་པོ་ཞིག་གི་ཐོག་མཉམ་སྦྲེལ་གྱི་སྲིད་གཞུང་དང་མཉམ་དུ་མཉམ་སྦྲེལ་བྱེད་སྲིད་པ་ཞིག་རེད་ཅེས་བཤད་འདུག ཚོཌ་པ་ཆུང་འཛཌ་ཌི་པི་པི་ཡིས་གཞུང་གིས་ཡུལ་དེའི་མི་མང་ཚོ་ནས་ཚོང་ཁྲལ་བརྒྱ་ཆ་བཅུ་བསྡུ་རུབ་བྱེད་ཀྱི་ཡོད་པ་དེ་ཕྱེད་ཀས་བཅག་ཏེ་བརྒྱ་ཆ་ལྔ་བསྡུ་རུབ་བྱེད་དགོས་པ་སོཌ་ཀྱི་དགོས་འདུན་འདོན་གྱི་ཡོད་པ་རེད།།
ད་རེས་ཀྱི་འོས་བསྡུའི་ནང་ཡུལ་དེའི་རྒྱལ་ཡོངས་གྲོས་ཚོགས་ཀྱི་ནང་བེུད་ཀྱི་འཐུས་མིའི་གྲངས་འབོར་དེ་༧༣ལ་འཕར་ཡོད་པའི་གནས་ཚུལ་ཐོན་འདུག
གླེང་སྟེགས།