༄༅།། །ཨ་རིའི་སྲིད་འཛིན་དུ་མང་མོས་འདེམས་ཐོན་བྱུང་བ་ཊྲམ་གྱིས་ཨ་རིའི་མངའ་སྡེ་ཁག་གི་ནང་ཉེ་དུས་འོས་བསྡུའི་དྲིལ་བསྒྲགས་ལས་འགུལ་ཤུགས་ཆེ་གནང་བའི་སྐབས་ཁོང་གིས་ཨ་མི་རི་ཀའི་ལྷོ་ཌེ་ཀོ་ཌའི་//སྲིད་སྐྱོང་ནོ་ཡེམ་སོཌ་དང་ལྷན་དུ་མི་མང་གི་མདུན་དུ་འཁྲབ་སྟོན་གནང་ཡོད་པར་རྒྱ་ནག་གི་གཞོན་སྐྱེས་གཙོ་བོར་གྱུར་བའི་དྲ་ལམ་ལྟ་མཁན་མི་མང་འབུམ་ཕྲག་པོས་ཁོང་པ་དགའ་མོས་ཆེན་པོ་བྱས་ཏེ་ཁོང་དེང་སང་རྒྱ་ནག་ནང་སྙན་གྲགས་ཅན་ཞིག་ཆགས་ཡོད་འདུག
ཨ་མི་རི་ཀ་བ་ཚོས་ཨིན་སེ་ཊེ་གྷྲམ་ཟེར་བ་དང་འདྲ་བའི་རྒྱ་ནག་སྤྱི་ཚོགས་དྲ་ལམ་ཤི་ཡ་ཧོང་ཤུ་ཡིས་ཐོག་ཊྲམ་གྱི་སྐོར་ལ་གནས་ཚུལ་ཉི་འབུམ་ཙམ་བྲིས་བཀོད་བྱས་ཡོད་པ་དེ་ཚོར་ལྟ་མཁན་དང་། མཆན་བརྒྱགས་མཁན་མི་བདུན་ཁྲི་ཉི་སྟོང་ཙམ་བྱུང་འདུག
ཨ་རིའི་འདེམས་ཐོན་སྲིད་འཛིན་ཊྲམ་གྱིས་ཨ་མི་རི་ཀའི་གྲོང་གསེབ་ཀྱི་མི་མང་ཟེར་བའི་གླུ་གར་ཚོགས་པས་བརྩམས་པའི་སྙན་འཇེབས་དང་ལྡན་པའི་གླུ་གཞས་དེ་དག་བཏང་སྟེ་འཁྲབ་གནང་བའི་བརྙན་སྤར་དེ་དག་དེང་སང་རྒྱ་ནག་གི་དྲ་ལམ་གྱི་ཐོག་ཡོངས་གྲཌ་ཆགས་ཡོད་པ་དང་། མཆན་བརྒྱགས་མཁན་མི་མང་པོ་ཞིག་གིས་ཁོང་འབྲས་དཀར་ནང་བཞིན་གོད་བྲོའི་གཏམ་གླེང་བྱེད་མཁན་ནང་བཞིན་ཡོད་ལུགས་དང་། གཞན་པ་ཁ་ཤས་ཀྱིས་ཨ་རིའི་ནང་ལས་དུས་གཉིས་པའི་སྲིད་འཛིན་གནང་མཁན་ཊྲམ་གྱིས་དེ་ལྟར་གནང་བར་ཡིད་དབང་འཕྲོག་པོ་ཡོད་ལུགས་བཤད་འདུག
ཁོང་གཞོན་སྐྱེས་གཙོ་བོར་གྱུར་བའི་རྒྱ་ནག་གི་མི་མང་ཚོས་དགའ་མོས་བྱེད་དགོས་པའི་རྒྱུ་མཚན་གཙོ་བོ་དེ་ནི། ལྟ་སྤྱོད་ཐོག་གུ་བཤངས་ཤིན་ཏུ་ཆེ་བའི་ནུབ་ཕྱོཌ་པའི་མང་གཙོའི་ལམ་ལུགས་དང་མི་འདྲ་བའི་རྒྱ་ནག་གི་མི་མང་རྣམས་དམ་དྲག་ཤིན་ཏུ་ཆེ་ལ། བུ་སུ་དོགས་པའི་དམར་པོའི་ལམ་ལུགས་ཀྱི་འོག་སྡོད་དགོས་ཀྱི་ཡོད་པ་དེ་ཡིན་འདུག
ཨ་རིའི་འབྱོར་ལྡན་མི་སྣ་ཨི་ལོན་མསྐ་འོས་བསྡུའི་དྲིལ་བསྒྲཌ་ལས་འགུལ་གྱི་སྐབས་ཊྲམ་དང་ལྷན་དུ་གཏམ་བཤད་བྱེད་པའི་བརྙན་སྤར་ཁག་ཅིག་ཀྱང་རྒྱ་ནག་གི་སྤྱི་ཚོགས་དྲ་ལམ་ཐོག་ཐོན་ཡོད་པར་གཞོན་སྐྱེས་དང་མི་མང་ཚོས་དགའ་མོས་བྱས་ཡོད་པ་དང་། མཆན་བརྒྱགས་མཁན་ཁ་ཤས་ཀྱིས་སཽའི་མཆན་གྱི་ནང་ཨི་ལོན་མསྐ་ནི་ཨ་མི་རི་ཀའི་འབྱོར་ལྡན་བཟོ་མཁན་མ་རྩའི་རིང་ལུགས་པ་ཞིག་ཡིན་པའི་གཏམ་བཤད་བྱས་འདུག
ཊྲམ་གྱི་སྐོར་ལ་མཆན་བརྒྱགས་མཁན་མང་པོ་བྱུང་ཡོད་པ་ནས་མི་ཞིག་གིས་ ཊྲམ་ནི་རང་ལོ་༧༨ཡིན་པ་དང་། མི་ཞིག་གིས་ཁོ་པར་མེ་མདའ་བརྒྱབས་ཏེ་ཁོ་པའི་ཨམ་ལྕོགས་ནས་ཁྲག་མང་པོ་དོན་ཡོད་པ་དང་། ཁོ་པར་ནིའུ་ཡོརྒ་གི་ཁྲིམས་ཁང་ཞིག་གིས་ཁྲིམས་ཞིབ་བྱེད་པའི་སྐབས་ཁོ་པ་དོན་ཚན་༣༠འི་ཐོག་ནག་ཉེས་ཡོད་པའི་ཁྲིམས་ཐག་བཅད་དེ་ཁོ་པ་བཙོན་ལ་འགྲོ་ཐབས་བྱས་ཡོད་པ་དང་། ཁོ་པར་གནད་དོན་གཞན་པ་༦༠འི་ཐོག་ཁྲིམས་ཞིབ་བྱེད་པའི་སྐབས་ཁོ་པས་ཁྲིམས་ཁང་གོང་མར་ཞུ་ལོག་ཐེངས་༦༠ཙམ་བརྒྱབས་ཡོད་པ་དང་། ཁོ་པར་རཁྲིམས་ཐོག་ནས་དཀའ་རྙོགས་དེ་འདྲ་ཡོད་བཞིན་དུ་ཁོ་པས་ཨ་མི་རི་ཀའི་སྲིད་འཛིན་ཆགས་རྒྱུར་འབད་བརྩོན་མི་བྱེད་པའི་རྒྱུ་མཚན་གང་ཡང་ཡོད་མ་རེད་ཅེས་བཀོད་ཡོད་འདུག
ཨ་མི་རི་ཀའི་ནང་སྡོད་མཁན་རྩོམ་པ་པོ་ཞིག་ཡིན་པ་རྒྱ་རིགས་རྒྱ་མོ་ཌེན་ཨུ་ཡིས་ཨ་རིའི་རླུང་འཕྲིན་ཁང་ལ་གཏམ་བཤད་ཅིག་བྱེད་པའི་སྐབས་ རྒྱ་མི་ཚོས་སྤྱི་ཚོགས་དྲ་ལམ་གྱི་ཐོག་ཊྲམ་ལ་དགའ་མོས་ཆེན་པོ་བྱེད་ཀྱི་ཡོད་ལུགས་ཤོད་ཀྱི་ཡོད་པ་དེས་རྒྱ་མི་ཚོས་རྒྱ་ནག་གི་འགོ་འཁྲིད་ཚོའི་བྱེད་སྟངས་ལ་མོས་མཐུན་བྱེད་ཀྱི་མེད་པ་མཚོན་གྱི་ཡོད་རེད་ཅེས་བཤད་འདུག
གླེང་སྟེགས།