༄༅།། ཕྱི་ཟླ་༡༠་པའི་ཚེས་༡་གི་ཉིན་མོ་ནི་རྒྱ་ནག་མི་དམངས་སྤྱི་མཐུན་རྒྱལ་ཁབ་བམ། རྒྱ་ནག་དམར་ཤོག་གི་སྲིད་གཞུང་ཚུགས་ནས་ལོ་༧༠་འཁོར་བའི་དུས་དྲན་ཡིན་ཞིང་། རྒྱ་ནག་གཞུང་གིས་ཕྱི་ནང་གཉིས་སུ་དུས་དྲན་དེར་སྲུང་བརྩིའི་བྱེད་སྒོ་སྤེལ་གྱི་ཡོད་པའི་གྲས་སུ་བོད་ཀྱི་ས་ཁུལ་ཁག་ཏུའང་དགའ་སྟོན་གྱི་བྱེད་སྒོ་འདྲ་མིན་ཞིག་སྤེལ་དུ་འཇུག་གི་ཡོད་པར་མ་ཟད། རྒྱ་ནག་གཞུང་གི་དབང་སྒྱུར་འོག་ཏུ་བོད་ལ་ཡར་རྒྱས་ཆེན་པོ་བྱུང་ཡོད་ཚུལ་དྲིལ་བསྒྲགས་རྒྱ་ཆེན་ཞིག་བྱེད་བཞིན་ཡོད་པ་རེད། འོན་ཀྱང་དོན་དངོས་སུ་འདས་པའི་ལོ་བདུན་བཅུའི་རིང་དུ་བོད་མི་དམངས་ལ་མཚོན་ན་བཙན་གནོན་གྱི་དབང་སྒྱུར་མྱོང་དགོས་པའི་དུས་སྐབས་ཆེས་སྐྱོ་གདུག་ཅན་ཞིག་རེད་ཅེས་རྒྱལ་སྤྱིའི་བོད་དོན་ལས་འགུལ་ཁང་གིས་སྤེལ་བའི་གསལ་བསྒྲགས་དེར་འཁོད་ཡོད་པའི་སྐོར། དཔལ་མོ་མཁས་གྲུབ་ཀྱིས་འབྲེལ་ཡོད་མི་སྣར་བཅར་འདྲི་ཞུས་པའི་གནས་ཚུལ་ཞིག་གསན་རོགས་གནང་།།
