༄༅། ཨབ་གྷ་ཎི་སི་ཐན་དུ་གནས་སྡོད་བྱེད་མཁན་རྒྱ་གར་གྱི་རྩོམ་པ་པོ་ཞིག་དྲག་སྤྱོད་པ་ཡིན་པར་དོགས་གཞི་ཅན་གྱི་མི་ཁག་ཅིག་གིས་དམར་གསོད་བྱས་ཏེ། རྒྱ་གར་རྒྱལ་ཡོངས་སུ་ཧ་ལས་པ་དང་རྔམ་དྲག་གི་གནས་ཚུལ་ཞིག་བྱུང་ཡོད་ཅིང་། རྒྱ་གར་གཞུང་གིས་དམག་འཁྲུག་གི་གཏོར་བཤིག་ཕོག་པའི་ཨབ་གྷ་ཎི་སི་ཐན་ལ་དམངས་གཙོ་སྲ་བརྟན་གཏོང་རྒྱུ་འགངས་ཆེན་དུ་རྩི་ཡོད་ཅེས་ནན་བརྗོད་བྱས་པ་དང་། རྩོམ་པ་པོ་དེ་མི་ལོ་བཅོ་ལྔའི་གོང་དུ་ཏ་ལི་བྷན་གྱི་དྲག་སྤྱོད་བཙན་གནོན་གཡོལ་བར་བྲོས་བྱོལ་དུ་སོང་སྟེ། ཁོང་གིས་བཙན་གནོན་མྱོང་བའི་འཚོ་བའི་སྐོར་ལ་དཔེ་དེབ་ཅིག་བྲིས་པ་དེར་སྐད་གྲགས་ཆེན་པོ་བྱུང་ཞིང་། ཉེ་ཆར་རྩོམ་པ་པོ་རང་གི་བཟའ་ཟླའི་ཡུལ་ལུང་ཨབ་གྷ་ཎི་སི་ཐན་ལ་ཕྱིར་ལོག་བྱས་ཡོད་པའི་སྐོར། ལྡི་ལི་གསར་པ་ནས་ཝི་ཨོ་ཨེ་ཨ་རིའི་རླུང་འཕྲིན་ཁང་གི་གསར་འགོད་པས་བཏང་པའི་གནས་ཚུལ་དེ་བསོད་ནམས་གཡང་འཛོམས་ལགས་ཀྱིས་ཕབ་སྒྱུར་དང་སྙན་སྒྲོན་ཞུ་ཡི་རེད།།